Астанада Түркістан және Достық көшелерінің қиылысында жол жабынын жөндеу жұмыстары жүргізіледі. Осыған байланысты 28 қазан кешкі сағат 21:00-ден 29 қазан таңғы сағат 07:00-ге дейін бұл учаскеде көлік қозғалысы толығымен тоқтатылады.

Көлік жүргізушілері мен жаяу жүргіншілер маршруттарын алдын ала жоспарлап, мүмкін болатын өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен нұсқағыштар орнатылады.

деп хабарлайды ТҮКШ24 Астана қаласы әкімдігінің сайтына сілтеме жасап.

Фото: gov.kz

Қазақстан Республикасының Энергетика министрлігінде мемлекеттік әкімшілік қызметшілеріне арналған "Мемлекеттік сатып алулар туралы заңнаманы түсіндіру" тақырыбында құқықтық оқыту семинары өтті.

Семинарда баяндамашы ретінде Қазақстан Республикасының Энергетика министрлігінің бюджеттік бағдарламаларды жүзеге асыру басқармасының басшысы Айсылу Қистаубаева сөз сөйледі.

Сабақ барысында Қазақстан Республикасының «Мемлекеттік сатып алулар туралы» Заңының негізгі ережелері, сондай-ақ Қазақстан Республикасының Қаржы министрінің бұйрығымен бекітілген мемлекеттік сатып алуларды жүзеге асыру Қағидалары талқыланды.

Қатысушыларға қолданыстағы заңнаманың нормалары және мемлекеттік сатып алуларды жүзеге асыру тәртібін реттейтін негізгі талаптар түсіндірілді.

Іс-шараға Энергетика министрлігінің құрылымдық бөлімшелерінің және мұнай-газ кешеніндегі мемлекеттік инспекциялардың өңіраралық басқармаларының мемлекеттік әкімшілік қызметшілері қатысты.

Мұндай тақырыптық сабақтарды өткізу мемлекеттік қызметшілердің құқықтық сауаттылығын арттыруға және мемлекеттік сатып алулар саласында заңнаманы тиісті қолдануды қамтамасыз етуге бағытталған.

деп хабарлайды министрліктің ресми сайтына сілтеме жасап, ТКШ24.

Фото: gov.kz