Қазақстанда Тарифтер мен жаңғырту комитетімен ашық диалог өтті

Бүгін Қазақстан Республикасы Ұлттық экономика министрлігі Табиғи монополияларды реттеу комитеті ай сайынғы кезекті қоғамдық қабылдауын онлайн-форматта өткізді.

Кездесу барысында Комитет өкілдері электр және жылу энергетикасы, газбен жабдықтау және теміржол көлігі салаларындағы тарифтік реттеудің өзекті мәселелерін түсіндіріп, қатысушылардың сұрақтарына жауап берді.

Ерекше назар жылыту маусымына дайындық, коммуналдық инфрақұрылымды жаңғырту, инвестициялық бағдарламаларды жүзеге асыру және табиғи монополия субъектілерінің шығыстарын негізді бақылау мәселелеріне аударылды. Қатысушыларға тарифтер мен бағаларды қалыптастыру механизмдері және олардың негізсіз өсуіне жол бермеу үшін Комитет қабылдаған шаралар түсіндірілді.

Сонымен қатар, табиғи монополиялар саласындағы заңнаманы жетілдіру мәселелері қаралды. Қатысушыларға коммуналдық желілерге қосылудың типтік ережелерінің бекітілгені, техникалық шарттарды электронды түрде беру механизмі енгізілгені және реттелетін қызметтермен технологиялық байланысты қызметтер тізімі анықталғаны туралы хабарланды. Бұл өзгерістер рәсімдерді жеңілдетуге және тұтынушыларға қызмет көрсету арқылы ашықтықты арттыруға бағытталған.

Сондай-ақ, «Энергетикалық және коммуналдық секторларды жаңғырту» Ұлттық жобасын іске асыруды реттейтін нормативтік құқықтық актілердегі өзгерістер, тарифтерді қалыптастыру және инвестициялық бағдарламалар таныстырылды. Ерекше назар шығыстардың негізділігіне, жобаларды қаржыландырудың ашықтығына және табиғи монополия субъектілерінің қызметіне бақылауды күшейтуге аударылды.

Қоғамдық қабылдау барысында қатысушылар өздерін қызықтыратын сұрақтарға түсініктемелер алды.

Осындай кездесулерді өткізу тарифтік реттеудің ашықтығын, халықтың хабардарлығын арттыруға және тұтынушылармен кері байланысты нығайтуға ықпал етеді.

деп хабарлайды ТКШ24 ҚР ҰЭМ Табиғи монополияларды реттеу комитетінің сайтына сілтеме жасап.

Фото: gov.kz