Астанада қысқы маусымға коммуналдық қызметтердің дайындығы жалғасуда

Астанада мамандандырылған техника мен коммуналдық қызметтердің алдағы қысқы маусымға дайындығы жалғасуда. Негізгі назар дер кезінде қар жинау, жолдар, тротуарлар және аулалық аумақтарды ұстау, сондай-ақ тұрғындардың қыс мезгіліндегі қауіпсіздігін қамтамасыз етуге аударылуда, деп хабарлайды елорда әкімдігінің ресми сайты.

Барлық аудандарда арнайы техниканың техникалық жағдайы, жабдықтардың жарамдылығы және мұзға қарсы материалдар тексерілуде. Әсіресе, мердігерлік ұйымдардың дайындығы мен техниканың уақытылы жолға шығуына ерекше көңіл бөлінуде.

Есіл ауданында алдағы қысқы маусымға 400-ден астам мамандандырылған техника, оның ішінде автогрейдерлер, фронтальды және лапалы тиегіштер, құм таратқыштар, щетка жабдықтарымен жабдықталған МТЗ тракторлары, шағын тиегіштер, айналмалы қар тазалағыштар және самосвалдар дайындалды. Көше тазалау үшін 500-ден астам жол жұмысшысы тартылатын болады. Қатты қар жауған кезде тартылған техниканың саны 700 бірлікке дейін, ал жол жұмысшыларының саны 1000 адамға дейін көбеюі мүмкін.

Сарыарқа ауданында санитарлық тазалық үшін 609 техника бірлігі және 820 жол жұмысшысы белгіленген.

Байқоңыр ауданында қыстық маусымға 340 мамандандырылған техника және 450 жол жұмысшысы жұмылдырылады. Санитарлық тазалық 222 көшемен 311 километр жалпы ұзындықты қамтиды. Нұра ауданында күнделікті шамамен 300 техника бірлігі және 320-дан астам жол жұмысшылары жұмылдырылады. Бұл ретте аудандағы техниканың 90% -дан астамы 2024-2025 жылдары пайдалануға берілген машиналардан тұрады.

Алматы ауданында улично-дорожды желіні қысқы күту мен қоғамдық аумақтардағы жұмысқа 21 мердігерлік ұйым тартылған. Ауа райына байланысты 450-ден астам мамандандырылған техника жұмылдыралады. Күндізгі уақытта шамамен 400 техника бірлігі және 900 жол жұмысшысы жұмысқа шығады.

Сарайшык ауданында санитарлық тазалықты 17 мердігерлік ұйым қамтамасыз етеді, олар көшелерді, квартал аралық аумақтарды, саябақтар мен скверлерді тазалау үшін жауап береді. Жұмыстар жалпы ұзындығы 285 километр 171 көшені қамтиды. Санитарлық тазалану ауданы 12,7 млн шаршы метрден асады. Қыс мезгілінде мұнда 300 арнайы техника және 500 жол жұмысшысы жұмылдырылады.

Барлық аудандарда қысқы маусымға дайындық жалғасуда. Коммуналдық қызметтердің негізгі міндеті - арнайы техниканың үздіксіз жұмысын қамтамасыз ету, қарды уақтылы тазалау және қыс мезгілінде тұрғындардың көшеде қауіпсіз қозғалуын қамтамасыз ету.

Фото: gov.kz