Шымкентте Елтай тұрғын алабында төтенше жағдай салдары жойылып, монолитті канал салынып жатыр

Шымкент қаласы Елтай тұрғын алабындағы төтенше жағдайдың салдарын жою және монолитті канал салу жұмыстары Шымкент қаласының жайлы қалалық орта дамыту басқармасының назарында.

"Гидропроект KZ" ЖШС бас жобалаушы ретінде "Шымкент қаласы Елтай тұрғын алабында төтенше жағдай салдарын жою және монолитті канал салу" жобасын әзірледі.

Жобаға сәйкес, "Елтай" каналының нығайту жұмыстары аясында жалпы ұзындығы 910 метр канал арнасын бетондау, сондай-ақ ЛР10 маркалы Г-тәрізді лотоктарды орнатуға арналған негізді дайындау жұмыстарын жүргізу қарастырылған, бұл лотоктардың жалпы ұзындығы 1 700 метр.

Қазіргі уақытта жоба бойынша сараптаманың оң қорытындысы алынған.

Жобаның сметалық құны 599 526 мың теңгені құрайды, оның ішінде ҚҚС — 82 693,215 мың теңге. Қаржыландыру 2026 жылғы 20 мамырда №4 хаттамаға сәйкес қалалық бюджеттің резервінен жүзеге асырылуда.

Бүгінгі таңда бұл жоба бойынша Шымкент қаласының жайлы қалалық орта басқармасы 2026 жылғы 30 маусымда №5 салалық қорытынды берді.

деп хабарлайды ЖКХ24 Шымкент қаласының жайлы қалалық орта дамыту басқармасының сайтына сілтеме жасап.

Фото: gov.kz