Алматы қаласының Жетісу ауданында коммуналдық желілерді қайта құру жұмыстары жүргізілуде

Алматы қаласының Жетісу ауданында 2026 жылы коммуналдық желілерді қайта құру бойынша сегіз жоба жүзеге асырылуда. Бұл туралы аудан әкімдігінен хабарлады.

Жобалар шеңберінде 7 км-ден астам сумен жабдықтау және шамамен 1 км кәріз желілерін жаңарту қарастырылған.

Сондай-ақ, 2-ші Гончарная көшесіндегі ұзындығы 340 метр жылу жүйелерін қайта құру басталды. Учаскеде уақытша желілер орнатылған. Жобаны үш ай ішінде аяқтау жоспарлануда.

Сонымен қатар, 6–10 кВ кернеудегі кабельдік электр желілерін жаңғырту жүргізілуде. Негізгі жұмыстарды жыл соңына дейін аяқтау көзделуде.

деп хабарлайды ТҮКШ24 Алматы қаласы әкімдігінің сайтына сілтеме жасап.

Фото: gov.kz