Батыс Қазақстан облысында коммуналдық инфрақұрылым жаңартылуда

Батыс Қазақстан облысында коммуналдық инфрақұрылымды жаңартуға бағытталған бірнеше ірі жоба жүзеге асырылуда. Жобалар аясында жылу жүйелерін жаңғырту, сумен жабдықтау және су бұру объектілерін қайта құру, сондай-ақ аймақтың электр желілерін жаңарту қарастырылған.

Бүгін Батыс Қазақстан облысына жасаған жұмыс сапары аясында Премьер-Министрдің орынбасары Қанат Бозымбаев бастаған делегация Ұлттық «Энергетикалық және коммуналдық секторды жаңғырту» (ЭКСЖ) жобасы аясында жүзеге асырылып жатқан нысандарды аралады. Бұл іс-шараға Қазақстан Республикасы Ұлттық экономика министрлігі Табиғи монополияларды реттеу комитетінің төрағасы Тимур Қосымбаев қатысты.

Сапар барысында ЭКСЖ жобасы бойынша жүзеге асырылып жатқан жылумен қамтамасыз ету, электрмен жабдықтау, сумен жабдықтау және су бұру объектілеріндегі жөндеу және құрылыс-монтаж жұмыстары тексерілді. Бұл жоба аймақтың негізгі коммуналдық инфрақұрылым нысандарын қамтиды және инженерлік желілерді жаңартуға, коммуналдық жүйелердің сенімділігін арттыруға және аумақтардың тұрақты дамуы үшін жағдай жасауға бағытталған.

Кілтті нысандардың бірі Орал қаласының жылумен жабдықтау саласындағы жобалар болды. Қазір ұзындығы 1,83 км болатын №6 жылу магистралі, ұзындығы 1,74 км болатын №7 жылу магистралі, сондай-ақ жалпы ұзындығы 8,82 км болатын «Строитель» шағын ауданының ішкі кварталдық жылу жүйелері реконструкциялануда. Жұмыстар аяқталғаннан кейін 46 мыңнан асатын тұтынушылар, соның ішінде тұрғын үйлер, әлеуметтік нысандар және кәсіпорындар сенімді әрі жақсартылған жылумен қамтамасыз етіледі.

Аймақтың электр желілерінде әуе желілерді, тарату желілерін және трансформаторлық қосалқы станцияларды қайта құру жалғасуда. Ең үлкен жобалардың қатарында Бөрлі, Шыңғырлау және Қаратөбе аудандарында 10 кВ және 0,4 кВ желілер мен толық трансформаторлық қосалқы станцияларды, Орал қаласында 0,4 кВ желілерін, сондай-ақ аудандарда 35 кВ электр желілерін реконструкциялау және салу жобалары бар. Бұл жобаларды жүзеге асыру 200 мыңнан астам тұтынушылардың электрмен жабдықтау сенімділігін арттырады.

Сумен жабдықтау және су бұру саласында ПНС-20 көтергілiк насос станциясын, КНС-1 және КНС-29 канализациялық насос станцияларын реконструкциялау, сондай-ақ Орал қаласында жер асты суларының қабылдауын кеңейту мақсатында қосымша бес су ұңғымасын салу жобалары іске асырылуда. Бұл объектілерді жаңғырту сумен жабдықтау жүйелерінің тұрақтылығын арттыруға және қалалық инфрақұрылымды дамытуға қосымша мүмкіндіктер жасауға мүмкіндік береді.

Сапар барысында отандық өндірушілердің инфрақұрылымдық жобаларды жүзеге асыруға қатысу мәселелеріне ерекше назар аударылды. Пайдаланылатын материалдар мен жабдықтардың басым бөлігі қазақстандық кәсіпорындарда өндіріледі, бұл өнеркәсіптің дамуына және жаңа жұмыс орындарының құрылуына ықпал етеді.

Электр желі кешеніндегі жобаларда Қазақстанда өндірілген темірбетон тіректері, кабельді-өткізгіш өнімдер, металл конструкциялар және толық трансформаторлық қосалқы станциялар пайдаланылады. Сумен жабдықтау жобаларында отандық полиэтилен құбырлар, электротехникалық жабдықтар және құрылыс материалдары қолданылады. Жекелеген объектілер бойынша қазақстандық мазмұнның үлесі 80-99 пайызға жетеді.

Сонымен қатар, жұмыс сапарында «Ауыл аманаты» бағдарламасының жүзеге асырылуымен танысты. Атап айтқанда, «Аманат 22» және «Батыс Сүт» ауыл шаруашылық кооперативтерінің жобалары ұсынылды, олар кәсіпкерлікті дамытуға, жаңа жұмыс орындарын құруға және ауылдық аймақтардың экономикалық белсенділігін арттыруға бағытталған.

Ұлттық «Энергетикалық және коммуналдық секторды жаңғырту» жобасы және «Ауыл аманаты» бағдарламасының жүзеге асырылуы аймақ инфрақұрылымының дамуына, коммуналдық қызметтердің сапасын арттыруға және Батыс Қазақстан облысының әлеуметтік-экономикалық өсуі үшін қосымша мүмкіндіктер жасауға ықпал етеді.

деп хабарлайды Тұрғынүй24 Жетісу облысының Энергетика және тұрғын үй-коммуналдық шаруашылық басқармасының сайтына сілтеме жасап.

Фото: gov.kz