12 августа 2026 г.
ШЫМКЕНТ ҚАЛАСЫНЫҢ ТУРАН АУДАНЫНДА КАНАЛИЗАЦИЯ ЖҮЙЕСІНІҢ ЖОБАСЫ ДАЯРЛАНУДА
Шымкенттің Туран ауданында 395 үйді канализация жүйесіне қосуға арналған жобаның жоспары дайындалуда.
Шымкент қаласының Туран ауданында канализация жүйесінің жобасы даярлануда. Бұл жоба Қазыбек би, Лихачева, Байзақұлы, Жандосов, Верещагин, Шолохов және Уәлиханов көшелерінде орналасқан нысандарды орталықтандырылған канализация жүйесіне қосуға бағытталған.
Жобаның негізгі мақсаты – 395 үйді орталықтандырылған канализация жүйесіне қосып, 1 305 тұрғынға инженерлік-коммуналдық қызметтердің сапасын арттыру.
Жобаны жүзеге асыру келесі артықшылықтарды қамтиды:
- Үйлерді орталықтандырылған канализация жүйесіне қосу;
- Канализация жүйесінің тұрақты және сенімді жұмыс істеуіне жағдай жасау;
- Аймақтағы санитарлық-эпидемиологиялық жағдайды жақсарту;
- Қоршаған ортаға экологиялық жүктемені азайту;
- Тұрғындардың тұрмыс жағдайларын жақсарту;
- Тура́н ауданының инженерлік-коммуналдық инфрақұрылымын одан әрі дамытуға мүмкіндік беру.
Бұл жоба Шымкент қаласының инженерлік инфрақұрылымын жаңғырту және дамыту, тұрғындарға сапалы коммуналдық қызметтермен қамтамасыз ету, сондай-ақ жайлы және қауіпсіз өмір сүру ортасын қалыптастыру шараларының бірі болып табылады.
деп хабарлайды ТКШ24 Шымкент қаласының энергетика және инфрақұрылымды дамыту басқармасының сайтына сілтеме жасап.
Фото: gov.kz