Шымкент қаласының қалалық ортаны бақылау және сапасын қамтамасыз ету басқармасы Тәуке хан даңғылы мен А. Байтұрсынов көшесінің қиылысында орналасқан ғимаратқа жалғамалы екі құрылысты тексеруден өткізді.

Тексеру барысында бұл нысандардың, ұялы телефондарды сату және жөндеу үшін қолданылып жатқан, мемлекеттік меншікке тиесілі жерді заңсыз иеленгені және қажетті рұқсаттық құжаттарсыз салынғаны анықталды.

Нысан иелері әкімшілік жауапкершілікке тартылды. Ғимараттарды сүру туралы талап арыз берілді. Сот аталған құрылыстарды заңсыз деп танып, қазіргі уақытта олардың сүрілуі жүргізілуде.

Бұл ретте, барлық меншік иелерін құрылыс немесе монтаж жұмыстарын бастар алдында заң талаптарын және құрылыс нормаларын қатаң сақтауға шақырамыз. Заңды сақтамау ірі айыппұлдарға және заңсыз құрылыс нысандарының сүрілуіне әкелуі мүмкін, — делінген хабарламада.

Фото: gov.kz

Астанада мемлекеттік еңбек инспекторлары елдің еңбек заңнамасын сақтау бойынша бақылауды күшейтті. Тексерулер Қазақстан Республикасының Еңбек кодексі және Қазақстан Республикасының Кәсіпкерлік кодексі негізінде жүргізілуде.

Елорда коммуникациялар қызметінде өткен брифингте ҚР Еңбек және халықты әлеуметтік қорғау министрлігіне қарасты мемлекеттік еңбек инспекциясы комитетінің Астана қаласы бойынша департаментінің басшысы Ерлан Исмағұлов инспекторлардың ағымдағы қызметі туралы хабарлады. Жыл басынан бері олар 10 202 өтінішті қарап, 271 жоспардан тыс тексеру жүргізді. Анықталған заң бұзушылықтар бойынша 125 нұсқама беріліп, әкімшілік жауапкершілікке 114 заңды және жеке тұлғалар тартылып, жалпы сомасы 22,2 млн теңге айыппұл салынды.

Еңбек дауларын алдын алу мақсатында мемлекеттік еңбек инспекциясы прокуратурамен бірлесіп, жоғары тәуекел дәрежесіне ие жұмыс берушілермен кездесулер ұйымдастыруда. Биыл 2 870-тен астам қызметкерді қамтыған 30 шығу шарасы жүргізілді. Бұл кездесулерде еңбек қауіпсіздігі мен оны қорғау, өндірістік жарақатты азайту және қызметкерлерді жазатайым оқиғалардан міндетті сақтандыру мәселелеріне назар аударылды.

Ерлан Исмағұлов құрылыс алаңдарында қауіпсіздік талаптарының сақталуын бақылау үшін дрондарды қолдана бастағанын атап өтті. Жыл басынан бері 13 жұмыс берушіге жалпы сомасы 1,1 млн теңге айыппұл салынып, әкімшілік жауапкершілікке тартылды. Әуеден бақылау дәстүрлі тексерулерде қиындықпен анықталатын ережебұзушылықтарды тіркеуге мүмкіндік береді.

деп хабарлайды ЖКХ24 астана әкімдігінің ресми сайтына сілтеме жасап.

Фото: gov.kz