Шымкентте 46 отбасы жаңа пәтердің кілтін алды

Шымкент қаласының Асар-2 шағын ауданындағы жалдамалы пәтерлердің кілттері 46 отбасыға салтанатты түрде тапсырылды. Бұл пәтерлер әлеуметтік осал санаттағы азаматтарға коммуналдық тұрғын үй қорынан ұсынылады.

Олардың қатарында мүгедектігі бар адамдар, толық емес отбасылар, ерекше қажеттіліктері бар балаларды тәрбиелеп отырған отбасылар, көпбалалы отбасылар, сондай-ақ жетім балалар мен ата-анасының қамқорлығынсыз қалған балалар бар.

Салтанатты рәсімге қала әкімі Ғабит Сыздықбеков қатысып, жаңа қоныс тойын атап өткендерді құттықтап, осы бағытта жүйелі жұмыс жүргізіліп жатқанын атап өтті.

«Азаматтарды қолжетімді және сапалы тұрғын үймен қамтамасыз ету мемлекеттік саясаттың негізгі басымдықтарының бірі болып табылады. Өз баспанасына ие болу - әр отбасы үшін тек қоныс тойы ғана емес, сонымен қатар тұрақтылық, болашаққа сенімділік пен әл-ауқат негізі», — деді қала әкімі мәлімдемеде.

Жалпы алғанда, өткен жылы әлеуметтік осал санаттағы азаматтар үшін нарықтан 1 529 пәтер сатып алынды. Қазіргі уақытта олардың бір бөлігі баланста қабылданды, қалғандары бойынша тіркеу рәсімдері жүргізіліп, пәтерлер «Отбасы банк» АҚ арқылы таратылуда.

Жыл басынан бері бөлінген 235 пәтердің 117-сі тұрғындарға берілді. Бүгін тағы 46 отбасы баспана алды, қалған пәтерлер кезекте тұрған азаматтарға жақын арада ұсынылатын болады.

2025 жылдың қорытындысы бойынша Шымкентте 1 381 000 шаршы метр тұрғын үй пайдалануға берілді, бұл тұрғын үй құрылысын тұрақты дауқысты дамуын және халықты қолжетімді баспанамен қамтамасыз ету жөніндегі Үкімет басшысы тапсырмаларын іске асыруды көрсетеді.

ЖКХ24 Шымкент қаласының Тұрғын үй басқармасы Сайтына сілтеме жасай отырып хабарлады.

Фото: gov.kz