Астана қаласының Есіл ауданында абаттандыру және көгалдандыру жалғасуда

Есіл ауданы дамудың жаңа кезеңіне өтуде. Мұнда аула аумақтарын абаттандыру, көше мен қоғамдық орындарды жаңарту, қала инфрақұрылымының элементтерін қалпына келтіру және аймақты көгалдандыру жұмыстары қарқынды жүргізілуде. Ауданның әрбір бөлігінде атқарылып жатқан жұмыстар ең алдымен тұрғындарға жайлы қалалық орта құруға бағытталған, деп хабарлайды Астана қаласының әкімдігінің ресми сайты.

Бүгінгі күні Есіл ауданында шамамен 400 аула бар, олардың басым бөлігі абаттандырылып үлгерген. Өткен жылы 12 ауланы кешенді абаттандыру жұмыстары жүргізілді. Осы жылы «Халық қатысатын бюджет» жобасы аясында тағы 5 аула аумағында кешенді жұмыстар атқарылды.

Тұрғындардан iKOMEK 109 платформасы арқылы келіп түскен өтініштерге ерекше назар аударылады. Өткен жылдың қорытындысы бойынша 53 ауланы жөндеу және қалпына келтіру жұмыстары орындалды. Бұл шаралардың аясында 103 кіші архитектуралық форма ауыстырылды, 19 футбол алаңында жөндеу жұмыстары жүргізілді.

Ағымдағы жылы Сауран көшесі бойынша көше-жол желісін абаттандыру жұмыстары жүргізілді.

Сонымен қатар, аудан аумағында жөндеу-қалпына келтіру жұмыстары орындалып жатыр. Гранит және мәрмәр плиталарды, брусчатканы қалпына келтіру, металл конструкцияларды, қабырғаларды және орындықтарды бояу, бордюрлерді орнату, сылақ жұмыстарын жүргізу, жаяу жүргіншілер тротуарлары мен басқа да қала инфрақұрылымы элементтерін жөндеу қарастырылған.

Күнделікті ауданның жасыл қорын қамту және қызмет көрсету қамтамасыз етіледі. Бұл қорға 220 мыңнан астам ағаш, 500 мыңға жуық бұта, 65 мың шаршы метр гүлзар, 5 млн шаршы метр көгал және 117 мыңнан астам жүгіртпе метр тірі қоршаулар кіреді.

Ағымдағы жылы аудан аумағына 40 мыңнан астам жасыл отырғызу жұмыстары жасалды. Кешенді жасыл отырғызу жұмыстары аудандағы келесі көшелер бойымен жүргізілді: Қерей-Жәнібек хандар, Ұлы Дала, Қабанбай батыр және т.б.

Жұмыстар сонымен бірге парктер мен скверлерде аяқталды, олардың ішінде ЕХРО паркі, ҚТЖ сквері, Әл-Фараби мешіті және басқалар бар.

Қаланың инфрақұрылымын абаттандыру, көгалдандыру, санитарлық күтіп ұстау және дамыту бойынша кешенді жұмыс алдағы уақытта да жалғасатын болады. Басты мақсат — Есіл ауданының тұрғындары үшін жайлы, қауіпсіз және заманауи қалалық орта қалыптастыру.

Естеріңізге сала кетейік, бұдан бұрын Президент Қасым-Жомарт Тоқаев Астананың қалалық инфрақұрылымын дамыту, абаттандыру және көгалдандыру бойынша жүйелі жұмысты жалғастыруды тапсырған болатын. Басты жұмыс астананың барлық алты аудандарында жүргізілуде. Соңғы жылдары Астанада 500-ден астам қоғамдық және аула кеңістіктері абаттандырылды.

Фото: gov.kz