Абай облысында су тарифтері төмендеді — «Семей Водоканал» ТКШ тұтынушыларға 479 млн теңгеге жуық қаражатты өтейді

Абай облысында су тарифтері төмендетілді, бұл тұтынушыларға 479 млн теңгеге жуық қаражатты өтеуге мүмкіндік береді. Қазақстан Республикасы Ұлттық экономика министрлігі Табиғи монополияларды реттеу комитетінің Абай облысы бойынша департаменті 2024 жылға арналған су беру және су бұру қызметтерінің тарифтік сметаларын орындау есебін талдау нәтижесінде «Семей Водоканал» ТКШ тарифтік сметалардың орындалмауын анықтады.

Тексеру барысында су беру қызметі бойынша бекітілген тарифтік сметаның орындалмау сомасы 375 191,25 мың теңгені, ал су бұру қызметінде 103 706,93 мың теңгені құрағаны анықталды. Қазақстан Республикасы Ұлттық банкінің базалық ставкасын ескере отырып, жалпы анықталған бұзушылықтар көлемі 478 898,18 мың теңгені құрады.

Тұтынушылардың құқықтарын қорғау және қаражатты тарифтік реттеу механизмі арқылы қайтару мақсатында Департамент тарапынан 2026 жылдың 11 ақпанындағы № 7-ОД және № 8-ОД бұйрықтары арқылы уақытша компенсирующей тариф бір жылға бекітіліп, 2026 жылдың 1 сәуірінен бастап енгізілді.

Су беру қызметі бойынша тариф мөлшері 11,78%-ға төмендеді — 198,90 теңгеден 175,48 теңге м³ үшін. Су бұру қызметі бойынша тариф мөлшері 7,08%-ға төмендеді — 137,40 теңгеден 127,67 теңге м³ үшін. Қабылданған шаралар Абай облысының тұтынушыларына қаражаттың қайтарылуын қамтамасыз етеді.

Сонымен қатар, осы жағдай бойынша «Семей Водоканал» ТКШ қатысты Қазақстан Республикасының Әкімшілік құқық бұзушылықтар туралы Кодексінің 164-бабының 4-бөлігі бойынша екі әкімшілік құқық бұзушылық ісі қозғалды. Істің нәтижесінде кәсіпорынға 13 840 000 теңге көлемінде әкімшілік айыппұл салынды.

Жеті күн ішінде айыппұл сомасының 50%-ын ерікті түрде төлеуіне байланысты іс әрекеті қолданыстағы заңнамаға сәйкес қысқартылған тәртіпте жүргізілді, төленген айыппұл сомасы мемлекет кірісіне аударылды.

деп хабарлайды ТКШ24 Абай облысының энергетика және тұрғын үй-коммуналдық шаруашылық басқармасының сайтына сілтеме жасап.

Фото: gov.kz