Қазақстан Республикасы Энергетика министрлігінде энергетикалық секторда жасанды интеллектті қолдану талқылануда

Қазақстан Республикасы Энергетика министрлігінде Қоғамдық кеңестің отырысы өтті, онда энергетикалық секторда жасанды интеллектті қолдану мәселелері қарастырылды. Іс-шара 2026 жылғы 16 шілдеде Жақып Хайрушевтің төрағалығымен, энергетика вице-министрі Бақытжан Ильяс, кеңес мүшелері және ведомствоның құрылымдық бөлімдерінің өкілдерінің қатысуымен өтті.

Талқылаудың негізгі тақырыбы энергетикалық секторға жасанды интеллект пен цифрлық технологияларды ендіру, сондай-ақ электростанциялардың цифрлық егіздерін дамыту және оларды оқу бағдарламаларына енгізу болды.

Қатысушыларға энергетика саласында жасанды интеллект қолдану бойынша пилоттық жобалар таныстырылды, оның ішінде электр жеткізу желілерінің ақауларын дрондар мен жасанды интеллект технологиялары арқылы анықтау. Жоба аясында екі күнде 618 электр тірегі тексеріліп, 2 мыңнан астам сурет өңделді және шамамен 6,8 мың ақау анықталды, бұл ретте зақымдануларды тану дәлдігі 98% құрады.

Сонымен қатар Шымкент қаласында акустикалық резонанс технологиясына негізделген жылу жүйелерін роботтандырылған диагностика жобасы ұсынылды. Пилоттық жоба барысында 1,2 км-ден астам жылу жүйелері тексеріліп, жөндеу жұмыстарына шығындарды үнемдеу 70%-дан асты.

Отырыс нәтижелері бойынша Қазақстанның энергетикалық секторында цифрлық шешімдерді одан әрі дамыту және енгізу бойынша ұсыныстар әзірленді, деп хабарлайды «ТКШ24» Энергетика министрлігінің сайтына сілтеме жасап.

Фото: gov.kz