Алматы қаласының Медеу ауданында абаттандыру және суару жобалары аяқталды

Алматы қаласының Медеу ауданында қоғамдық кеңістіктерді абаттандыру бойынша екі жоба жүзеге асырылды.

«Халықтың қатысу бюджеті» бағдарламасы аясында «Халық Арена» спорт кешені аумағында автоматты суару жүйесі орнатылды. Жоба шеңберінде 4 мың метрлік автосуару жүйесі және 2,5 мың метрлік желі тартылды.

Жаңа жүйе жасыл желектерді тұрақты суаруды қамтамасыз етіп, су ресурстарын тиімдірек пайдалануға мүмкіндік береді.

Тағы бір жоба Оспанов көшесінде жүзеге асырылып, жаяу жүргінші аймағын абаттандыру аяқталды. Мұнда 150 шаршы метр асфальт-бетон жабыны мен 480 шаршы метр тас плитка төселініп, 1 650 шаршы метр аумақ көгалдандырылды, сыртқы жарықтандыру тіректері орнатылды.

Бұл жұмыстар Медеу ауданының жаяу жүргінші инфрақұрылымы мен қоғамдық кеңістіктердің жайлылығын арттыруға бағытталған.

деп хабарлайды Алматы қаласының Энергетика және тұрғын үй-коммуналдық шаруашылық басқармасының сайтына сілтеме жасап ТКШ24.

Фото: gov.kz