Бүгін Қызылорда қаласында, облыс әкімі Мұрат Ергешбаевтің қатысуымен, қоршаған ортаны қорғау бағытында өткізіліп жатқан Дүниежүзілік тазалық күніне арналған экологиялық акция ұйымдастырылды.

Іс-шараға Құрылтай депутаттары, құқық қорғау органдарының басшылары, ардагерлер мен зиялы қауым өкілдері, облыстық және қалалық мәслихат депутаттары, басқармалар, департаменттер мен инспекциялардың басшылары және қызметкерлері, еріктілер, экоактивистер, жастар ұйымдары мен студенттер қатысты.

Акцияның мақсаты — қоғамды ортақ іске тарту, экологиялық мәдениетті дамыту, айналадағы ортаны қоқыстан тазарту және тұрғындар үшін қолайлы өмір сүру жағдайларын жасау.

Осыған орай, басқармалар мен ведомстволық мекемелер қызметкерлерінің жетекшілігімен «Қайсар Арена» стадионында жаппай сенбілік және ағаш отырғызу жұмыстары жүргізілді.

деп хабарлайды Тұрғын үй-коммуналдық шаруашылық24 Қызылорда облысының энергетика және тұрғын үй-коммуналдық шаруашылық басқармасының сайтына сілтеме жасап.

Фото: gov.kz

Астанада энергетика вице-министрі Ерлан Ақбаров пен Ұлыбританияның Орталық Азия бойынша Премьер-министрінің Сауда өкілі Томас Алдердайс кездесті.

Тараптар энергетика саласындағы Қазақстан мен Ұлыбритания арасындағы ынтымақтастықты одан әрі дамыту перспективаларын талқылап, британдық бизнеспен өзара байланыс орнату, инвестиция тарту және бірлескен жобаларды іске асыру мәселелеріне тоқталды.

Әсіресе, жаңғыртылатын энергия көздері, гидроэнергетика, жасыл сутегі және басқа да таза энергетика бағыттарында ынтымақтастық мүмкіндіктері ерекше назарға алынды.

Вице-министр Қазақстанның энергетикалық жобаларды жүзеге асыруға британдық тәжірибе, технологиялық сараптама және инвестиция тартуға қызығушылық танытқанын атап өтті. Тараптар заманауи технологиялар, қаржыландыру және аралық жүйелік энергетикалық байланыстарды дамыту саласындағы ынтымақтастық перспективаларын жеке талқылады.

Сонымен қатар, тараптар аралық жүйелік энергетикалық байланыс саласындағы әлеуетті арттыруға арналған семинардың қараша айында өткізілуі жоспарланғанын талқылады.

Кездесу қорытындысы бойынша тараптар энергетика саласындағы практикалық ынтымақтастықты одан әрі дамытуға, британдық бизнестің қатысуын кеңейтудегі және өзара тиімді инвестициялық жобаларды жүзеге асыруға мүдделіліктерін растады. Бұл туралы Тұрғын үй-коммуналдық шаруашылық 24 сайты Энергетика министрлігінің ресми сайтына сілтеме жасай отырып хабарлады.

Фото: gov.kz