Қосшы қаласында газдандыру аяқталды: табиғи газ 72 мың тұрғынға қолжетімді болды

Қосшы қаласының газдандыру жұмыстары аяқталып, барлық шағын аудандардағы 72 мың тұрғын табиғи газға қол жеткізді. Бұл оқиға Мемлекет басшысының газ инфрақұрылымын кеңейту жөніндегі тапсырмасын орындау аясында Энергетика министрлігі мен «QazaqGaz» ұлттық компаниясының бірлескен жұмысының нәтижесі болып отыр.

Екінші және үшінші кезеңдердің іске қосылуынан кейін қала тұрғындары, сондай-ақ «Орман алаңы» тұрғын массиві мен Diamond Park тұрғын қалашығы тұрғындары экологиялық таза отынға қосылу мүмкіндігіне ие болды.

Жобаның соңғы кезеңдерін іске асыру аясында 194 километр газ құбыры және 24 шкафтық газ реттегіш пункттер пайдалануға берілді, жалпы алғанда 357 километрден астам газ тарату желілері салынды және 1 блоктық, 44 шкафтық газ реттегіш пункттер орнатылды.

Бүгінгі таңда Ақмола облысының 24 елді мекенінде табиғи газға қолжетімділік қамтамасыз етілген. Аршалы және Целиноград аудандарындағы тағы 12 елді мекенді 2027–2028 жылдары газдандыру жоспарлануда.

Жалпы алғанда, Қазақстанда газ тасымалдау инфрақұрылымын дамыту жобаларын іске асыру 2026 жылы шамамен 36 мың тұрғынды табиғи газбен қамтамасыз етуге мүмкіндік береді. Президент қойған мақсатқа сәйкес, 2035 жылға қарай ел халқының газдандыру деңгейі қазіргі 64,2%-дан 80%-ға дейін арттыру жоспарланған. Ірі инфрақұрылымдық жобаларды жүзеге асыру аймақтарды газдандыруды жеделдетуге, азаматтардың өмір сапасын арттыруға және елдің тұрақты әлеуметтік-экономикалық дамуы үшін қосымша жағдайлар жасауға мүмкіндік береді.

деп хабарлайды ТКШ24 Энергетика министрлігі сайтына сілтеме жасап.

Фото: gov.kz