Қазақстанда газдандыру деңгейін 80%-ға дейін арттыру жоспарлануда

Қазақстанда халықты 80% деңгейінде газдандыруға жету үшін Энергетика министрлігі магистральды газ тасымалдау инфрақұрылымының, аймақтық желілер мен ресурс базасының кешенді даму жоспарын әзірледі.

Аймақтарда газбен жабдықтауды кеңейтуге ықпал ететін негізгі жобалар:

• «Ишим – Астана»: Солтүстік аймақтарды газдандыру үшін стратегиялық маңызы бар жоба. Ол Астана, Көкшетау және Петропавл қалаларын сенімді газбен жабдықтауды қамтамасыз етеді.
• «Бейнеу – Бозой – Шымкент» екінші желісі: Бұл жоба газ тасымалдау жүйесінің өткізу қабілетін арттырады және елдің оңтүстік және орталық аймақтарындағы газға сұраныстың өсуін қанағаттандырады.
• Магистральды газ құбыры КС-14 – Қостанай: Жоба Ақтөбе облысындағы КС-14 компрессорлық станциясынан Қостанайға дейін газ құбырын және КС-14-те жаңа компрессорлық цех салуды көздейді. Ол Қостанай облысын сенімді газбен қамтамасыз етеді және солтүстік аймақтарды газдандыру үшін қосымша мүмкіндіктерді ашады.
• «Талдықорған – Үшарал»: Ұзындығы шамамен 302 км газ құбыры Жетісу облысының елді мекендерін газбен қамтамасыз етті және 84 елді мекенге дейін газдандыруды әрі қарай кеңейтуге мүмкіндік жасады. Жоба 2025 жылы іске қосылады.
• Аймақтық газдандыру жобалары: Алматы, Түркістан, Қызылорда, Жамбыл, Қостанай, Қарағанды және басқа облыстарда жеткізуші және тарату газ желілерінің құрылысы жалғасады.

Осылайша, магистральды және аймақтық инфрақұрылымның дамуы газбен жабдықтаудың сенімділігін арттырады, газ тасымалдау жүйесінің өткізу қабілетін ұлғайтады және кейбір аймақтардың бір ғана газ көзіне немесе бағытына тәуелділігін азайтады.

Осы жобаларды кешенді жүзеге асыру Қазақстандағы газдандыру деңгейінің 80% деңгейіне қол жеткізудің маңызды шарты болып табылады. Бұл туралы ТҮКШ24 Энергетика министрлігінің сайтына сілтеме жасап хабарлады.

Фото: gov.kz