Инженерлік ізденістер саласында СРО құруды құрылыс секторындағы өкілдер жоспарлап отыр.

Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті төрағасының орынбасары Мұрат Рысдавлетов «Атамекен» ҰКП алаңында инженерлік ізденістер саласындағы ағымдағы мәселелерді талқылауға арналған кеңеске қатысты.

Кездесуге қатысушылар, соның ішінде бизнес өкілдері, саланың өзекті мәселелерін қарастырды. Ерекше нысандар үшін инженерлік ізденістер нәтижелерінің қолданылу мерзімін ұзарту мүмкіндігіне, орындалатын жұмыстардың сапасын бақылауды күшейтуге, сондай-ақ нарықты реттеу механизмдерін жетілдіруге назар аударылды.

Сонымен қатар, инженерлік ізденістер саласында сала өкілдерін біріктіру және орындалатын жұмыстар сапасын арттыруға ықпал ететін өзін-өзі реттейтін ұйым құру перспективасы талқыланды.

Сондай-ақ, құрылыс жобаларын жүзеге асыру кезінде қауіпсіздікті қамтамасыз ету және нормативтік базаны одан әрі жетілдіру жайында кәсіби нарық қатысушылары пікір алмасты.

деп хабарлайды ТҮКШ24 Құрылыс және тұрғын үй-коммуналдық шаруашылық істері комитетінің сайтына сілтеме жасап.

Фото: gov.kz

Шымкентте 2026-2027 жылдардың жылыту маусымына дайындық бекітілген іс-шаралар жоспарына сәйкес жүзеге асырылуда. Дайындық жұмыстарын үйлестіру мақсатында арнайы штаб құрылды, ал жылу шаруашылығы нысандарын дайындау кезең-кезеңімен жүргізілуде.

Бұл туралы қалалық энергетика және инфрақұрылымды дамыту басқармасы басшысының орынбасары Азат Қайнарұлы Өңірлік коммуникациялар қызметінің ақпараттық алаңында өткен брифингте мәлім етті.

Қаланың жылу желілерінің жалпы ұзындығы 838,6 километрді құрайды. Оның ішінде 152 километрі магистральдық, 686,6 километрі ішкі аудандық желілерге тиесілі. Жылу желілерінің тозуы 37% құрайды.

Биылғы жылдың сәуір айынан бастап магистральдық және ішкі аудандық желілерде гидравликалық сынақтар жүргізілуде, нәтижесінде 135 ақау анықталды. Олардың 108-і жойылды. Қалған 27 ақауға қатысты жөндеу жұмыстары бекітілген кестеге сәйкес жалғасуда. Бүгінгі таңда қаланың 31 автономды қазандықтарының 29-ы, 17 сорғы станцияларының 15-і дайындалған, сондай-ақ 2241 көпқабатты тұрғын үйдің 2134-і дайындалған. Барлық 463 бюджеттік мекеме қажетті дайындықтан өтті. Олардың қатарында білім беру, денсаулық сақтау, спорт, мәдениет және жұмыспен қамту салаларының нысандары бар.

Сонымен қатар, алдағы жылыту маусымына «3-Энергоцентр» АҚ негізгі жабдықтарын дайындау жұмыстары жүргізілуде. Жылу желілерінің тозуын және апаттылық деңгейін төмендету мақсатында ішкі құбырлы диагностика жүргізілуде. Жоспарланған жұмыстар аясында магистральдық жылу желілері ұзындығы 5 километр және диаметрі 720 миллиметрге дейін жеті учаскеде тексерілді. Диагностикалық жұмыстар толықтай аяқталды.

Жалпы, қала жылу жүйелерін алдағы жылыту маусымына сапалы дайындау және тұрғындарды тұрақты жылумен қамтамасыз ету жұмыстары бекітілген жоспарға сәйкес жалғасуда, деп хабарлайды ТКШ24 Шымкент қаласының энергетика және инфрақұрылымды дамыту басқармасының сайтына сілтеме жасап.

Фото: gov.kz