Қазақстан Республикасы астанасы Астана қаласында «Жетісу» саябағында республикалық экологиялық «Таза Қазақстан» акциясы аясында рейд ұйымдастырылды. Шара қоғамдық тәртіп пен абаттандыру ережелерінің бұзылуын алдын-алу мақсатында өткізілді, деп хабарлайды елордалық әкімдіктің ресми сайты.

Рейдтің негізгі мақсаты — қоғамдық тазалықты сақтау, мәдениет деңгейін және мінез-құлық стандарттарын арттыру, сондай-ақ қаланың экологиялық жағдайын жақсартуға үлес қосу. Сонымен қатар, бұл қоршаған ортаға қамқорлықпен қараудың маңыздылығы туралы ескерту болып табылады.

«Есіл ауданы әкімдігі полиция қызметкерлерімен бірлесіп «Таза Қазақстан» акциясы аясында «Жетісу» саябағында рейдтік шара өткізді. Рейд барысында тұрғындар арасында тазалықты сақтау, қоғамдық тәртіпті ұстану және экологиялық мәдениетті қалыптастыру бойынша түсіндірме жұмыстары жүргізілді. Шараның басты мақсаты — аудан тұрғындарын және қонақтарын қоршаған ортаның тазалығын сақтауға шақыру», — деп атап өтті Астана қаласы Есіл ауданының ішкі саясат бөлімінің басшысы Әли Жолтабар, — делінген хабарламада.

Фото: gov.kz

"ҚазНИИСА" АҚ-да жасанды интеллект саласындағы шешімдер жасаумен айналысатын "SiriusOne" халықаралық IT-компаниясының өкілімен жұмыс кездесуі өтті. Негізгі тақырып Қазақстанның құрылыс саласында жасанды интеллект технологияларын қолдану болды.

Жиналыс қатысушылары AI-ді бизнес процестерді автоматтандыру, үлкен мәліметтер мен нормативтік-техникалық құжаттарды талдау, интеллектуалды ақпараттық жүйелерді әзірлеу, сондай-ақ құрылыс нысандарының өмірлік циклының барлық кезеңдерінде басқару шешімдерін неғұрлым дәл қабылдауға мүмкіндік беретін болжамды аналитиканы енгізу перспективасын қарастырды.

Ғимараттар мен құрылымдарды пайдалану үшін заманауи цифрлық құралдарға ерекше назар аударылды. Атап айтқанда, объектілердің техникалық жағдайын қадағалау, қауіпсіздік деңгейін арттыру, энергия тиімділігін жоғарылату және пайдалану шығындарын азайту үшін IoT-датчиктерін қолдану мүмкіндіктері талқыланды.

"ҚазНИИСА" АҚ мамандары құрылыс саласының цифрлық трансформация нәтижелерін қонақтарға таныстырып, құрылыс объектілерін ақпараттық модельдеу технологияларын (ТИМСО) енгізу барысы туралы айтып берді, сондай-ақ цифрлық құрылыс және BIM технологияларының халықаралық стандарттарын дамытуға бағытталған buildingSMART Kazakhstan қызметі туралы айтты.

«Бүгінгі күні жасанды интеллект құрылыс саласының тиімділігін арттырудың шынайы құралына айналып отыр. Оның қолданылуы ақпаратты өңдеу жылдамдығын айтарлықтай арттырады, шешімдердің сапасын жақсартады және құрылыс саласының цифрлық экожүйесін дамыту үшін жаңа мүмкіндіктер ашады», — деп атап өтті кездесуге қатысушылар.

Келіссөздердің қорытындысы бойынша тараптар кәсіби өзара әрекеттестікті, құзыреттер алмасуды және Қазақстанның құрылыс саласына озық цифрлық технологияларды енгізуге бағытталған жобаларды бірлесіп әзірлеуді жалғастыруға қызығушылық білдірді. ЖКХ24 Қазақстан Республикасы Индустрия және құрылыс істері комитетінің сайтына сілтеме жасай отырып хабарлады.

Фото: gov.kz