Астанада «Жерұйық» саябағында республикалық экологиялық «Таза Қазақстан» акциясы және «Заң мен тәртіп» ұстанымы аясында Алматы ауданының әкімдігі полиция қызметкерлерімен бірлесе отырып, қоғамдық орындарды ластауға жол бермеуге бағытталған рейд өткізді, деп хабарлайды қалалық әкімдіктің ресми сайты.

Рейд барысында демалушылармен таза ортаны сақтау, табиғатқа ұқыпты қарау және аумақтарды ластағаны үшін жауапкершілік туралы алдын алу әңгімелері өткізілді.

Ұйымдастырушылар саналы демалыс мәдениетіне ерекше назар аударды. Қалалықтарға өзімен бірге тұрмыстық қалдықтарды жинау, қоқыс жәшіктерін пайдалану және қоғамдық тәртіпті сақтау қажеттілігін еске салды.

Мұндай рейдтер тұрақты түрде жүргізілуде. Олардың мақсаты – тұрғындардың экологиялық мәдениетін қалыптастыру, қоғамдық кеңістіктердің тазалығы мен көркеюін сақтау, сондай-ақ жайлы қалалық орта құру.

«Біз мұндай рейдтерді аптасына екі-үш рет өткіземіз. Жаздың басынан бері аудан аумағында шамамен 30 хаттама толтырылды», — деді Алматы ауданы әкімдігі ішкі саясат бөлімінің бас маманы Алтынай Мусаева, делінген хабарламада.

Фото: gov.kz

Астанада 5-25 тамыз аралығында Алаш тасжолы бойында көлік қозғалысы ішінара шектеледі, онда салмақ өлшегіш датчиктерге арналған бетон жабындысының орнату жұмыстары жүргізілуде. Учаске ұзындығы 400 метрді құрайды.

Автокөлік қозғалысы қарсы бағыттағы жолақтар арқылы ұйымдастырылады.

Жүргізушілер мен жаяу жүргіншілерге мүмкін болатын өзгерістерді ескере отырып, маршруттарын алдын ала жоспарлауға кеңес беріледі. Қауіпсіздікті қамтамасыз ету және қолайсыздықтарды азайту мақсатында осы участокта уақытша жол белгілері мен көрсеткіштер орнатылады.

деп хабарлайды ЖКХ24 Астана қаласы әкімдігінің сайтына сілтеме жасап.

Фото: gov.kz