19 қыркүйек 2026
Астанада Е. Рахмадиев атындағы филармония ұйымдастырған тазалық акциясы өтті
Астанада Е. Рахмадиев атындағы филармония тазалық акциясын жүргізді. Шараға 400 адам қатысты.
Е. Рахмадиев атындағы филармония ұжымы Астанада республикалық «Таза Қазақстан» экологиялық бастамасы мен Дүниежүзілік тазалық күніне (World Cleanup Day) қолдау көрсету мақсатында ірі тазалық акциясын өткізді.
Табиғатқа қамқорлық пен еңбекқорлықты ұштастырған бұл шараға шамамен 400 адам қатысты. Олардың қатарында Астана қаласының Мәдениет басқармасының басшылығы мен қызметкерлері, филармония ұжымы, сондай-ақ әйгілі қазақстандық әртістер мен шығармашылық топтар бар.
Акция аясында филармонияға жақын маңдағы аумақтар, парктер мен скверлер қоқыстан тазартылып, абаттандыру және санитарлық тазалау жұмыстары жүргізілді. Әдетте көрермендерді өнерімен баурап алатын әртістер бұл жолы сыпырғыштар мен қаптарды қолға алып, қаланың тазалығына күш салды.
Сондай-ақ оқыңыз:
«Мәдениет ошағы шабыт қана емес, қоршаған ортаға деген құрметтің үлгісі болуы керек. Бүгінгі шара еңбек мерекесіне айналып, әртістерді, басшылық пен барлық қызметкерлерді біріктірді. 400-ге жуық әріптестеріміздің бірлескен қатысуы — бұл қаламызға деген махаббаттың жарқын көрінісі», — деп атап өтті филармонияның әртісі Еркегали Рахмадиев Тұрар Төлеутай.
Елордадағы экологиялық мәдениетті көтеруге ықпал ететін осындай бастамалар әрі қарай да жалғасады.
деп хабарлайды ТҮКШ24 Астана қаласы әкімдігінің сайтына сілтеме жасап.
Фото: gov.kz
