Астанада урбанистика бойынша форум өтті

Астанада урбанистиканы дамыту және аймақтарда Урбанистика Орталықтарын құру мәселелері бойынша республикалық семинар-кеңес өтті. Іс-шараға Қазақстан Республикасы Индустрия және инфрақұрылымдық даму министрінің орынбасары Қуаныш Кажкенов қатысып, сөз сөйледі.

«Урбанистика және қала аумағын дамыту экологиялық «Таза Қазақстан» бағдарламасын жүзеге асырудың ажыратылмас бөлігі болып табылады. Бүгін бізге қала аумағының сапасын жүйелі түрде жақсарту, елді мекендердің заманауи архитектуралық келбетін қалыптастыру және абаттандырудың бірыңғай стандарттарын енгізу міндеті қойылған. Мұндай семинарларды ұйымдастыру аймақтармен өзара әрекеттесуді нығайтуға және қойылған міндеттерді тиімді орындауға мүмкіндік береді», — деп атап өтті Қуаныш Кажкенов хабарламада.

Форум барысында Қазақстан Республикасының Құрылыс кодексінде көзделген жаңа тәсілдер, аймақтардың дизайн-кодтарын дамыту, елді мекендердің архитектуралық келбетін қалыптастыру мәселелері, сондай-ақ заманауи абаттандыру және аумақтарды кешенді дамыту механизмдерін енгізу талқыланды.

Қатысушыларға урбанистика саласындағы астананың тәжірибесі, жүзеге асырылған қоғамдық кеңістіктер жобалары және қала ортасын одан әрі дамытуға арналған перспективалық бағыттар ұсынылды. Баяндамалармен ҚР Индустрия және инфрақұрылымдық даму министрлігінің, Астана қаласы әкімдігінің, «ҚазЦентрЖКХ» акционерлік қоғамының, «Мемлекеттік құрылыс кадастры» республикалық мемлекеттік кәсіпорнының, Астана қаласының Урбанистика Орталығының, сондай-ақ халықаралық сарапшылардың өкілдері сөз сөйледі.

Кездесу қорытындысы бойынша қатысушылар тәжірибе алмастырып, еліміздің аймақтарында урбанистиканы дамыту бойынша әрі қарайғы өзара әрекеттестік мәселелерін талқылады, деп хабарлайды ЖКХ24 ҚР Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық комитетінің сайтына сілтеме жасап.

Фото: gov.kz