Астанада полимерлік құбырлар нарығын дамыту мәселесі ҰЭЭКС аясында талқыланды

Астанада «Энергетикалық және коммуналдық секторды жаңғырту» ұлттық жобасы аясында полимерлік құбырлар нарығын дамыту және олардың энергетикалық және коммуналдық инфрақұрылымын жаңғыртуда қолдану мүмкіндіктеріне арналған дөңгелек үстел өтті.

Іс-шараға мемлекеттік органдардың өкілдері, салалық бірлестіктер, отандық өндірушілер, құрылыс және жобалау ұйымдары, сондай-ақ мұнайгаз-химия саласының өкілдері қатысты.

Энергетика министрлігінің мұнайгаз-химия және техникалық реттеу департаментінің директоры Темірлан Үрқұмбаев отандық өнімдерге тұрақты ішкі сұранысты қалыптастыру және мұнайгаз-химия шикізатын кейінгі өңдеуді дамыту маңыздылығын атап өтті.

Оның айтуынша, ірі инфрақұрылымдық жобаларды іске асыру өндірісті кеңейтуге, инвестициялар тартуға және полимерлерді ел ішінде тереңірек өңдеуге қосымша мүмкіндіктер жасайды.

Қатысушылар полимерлік құбырларды сумен жабдықтау, су тарту, жылу жүйелері және басқа да коммуналдық инфрақұрылым объектілерінде қолдану мүмкіндіктерін талқылады.

Сонымен қатар отандық өндірушілерді қолдау шаралары мен полиэтилен және оның негізіндегі өнімдерді өндіруді дамыту перспективалары да қаралды.

Дөңгелек үстел қорытындысы бойынша мемлекеттік органдар, бизнес және салалық бірлестіктердің полимерлік құбырлар нарығын дамыту, отандық өнімдердің үлесін арттыру және оларды энергетикалық және коммуналдық инфрақұрылымды жаңғыртуда тиімді қолдану үшін одан әрі ынтымақтасуы маңызды екені атап өтілді. деп хабарлайды ЖКХ24 Энергетика министрлігінің сайытына сілтеме жасап.

Фото: gov.kz