Астана күніне орай елордада 30-дан астам жаңа аула, гүлзар және спорт алаңы ашылды

Астана күніне орай елорданың барлық алты ауданында жаңа абаттандыру нысандары пайдалануға берілді, деп хабарлайды әкімдік.

Сарыарқа ауданында И. Құтпанов көшесі мен Сарыарқа даңғылында екі аула (резеңке жабын, ойын кешендері, шағын футбол алаңдары), сондай-ақ Көктал (А. Үлімжіұлы к.) мен Агроқалашық (Рауан к.) тұрғын алаптарында екі қоғамдық кеңістік ашылды. Маусым басынан бері ауданда 15 аула жаңартылды.

Нұра ауданында төрт аула, екі гүлзар және футбол алаңы берілді. «Алтын Шар-1» жанындағы гүлзар (шамамен 1 га) инвестор қаражатына салынды; BI Group-пен бірлескен «4 маусым» гүлзарында 400-ден астам ағаш пен 14 000-нан астам бұта отырғызылды. «Халық қатысатын бюджет» аясында Ш. Айтматов (41, 41А, 41Б) және Сығанақ (16, 16/1) көшелеріндегі аулалар абаттандырылды; «Үркер City» мен «Boston Comfort House» жанында 15×30 м алаң ашылды.

Байқоңыр ауданында — үш аула және екі қоғамдық кеңістік (Ш. Иманбаев к.; Пушкин к. №2, 4, 6 үйлердің маңы). Аулалар Ғабдуллин к., 17/1 және Абай даңғ., 49, 51 мекенжайларында жаңартылды.

Сарайшық ауданында «Халық қатысатын бюджет» аясында жеті аула ашылды: А. Байтұрсынұлы к., 17, 19; К. Әзірбаев к., 6/1–6/4; Байтұрсынұлы к., 27.

Алматы ауданында — жеті аула (Ғ. Мүсірепов к., 10/2; Ш. Құдайбердіұлы к., 38; Манас к., 11/3; Қ. Сәтбаев к., 4/1; Ғ. Мұстафин к., 9; Б. Момышұлы даңғ., 2; Абылай хан даңғ., 25/1) және Ш. Құдайбердіұлы даңғылындағы (№23, №36 үйлер) екі қоғамдық кеңістік. Жыл басынан бері ауданда 26 аула жаңартылды.

Есіл ауданында бір аула ашылды — Жайсан к., 18 («Адина» ТҮК).

Елордада аудандарды кешенді абаттандыру жалғасуда: аулалар жаңартылып, қоғамдық кеңістіктер көбейіп, жарықтандыру жаңғыртылуда.

Санат: Абаттандыру және аула

Тегтер: абаттандыру, Астана, халық қатысатын бюджет, аула аумақтары, балалар алаңы, қоғамдық кеңістіктер, көгалдандыру

Дереккөз: Астана қаласының әкімдігі