Астанада энергетика вице-министрі Ерлан Ақбаров пен Ұлыбританияның Орталық Азия бойынша Премьер-министрінің Сауда өкілі Томас Алдердайс кездесті.

Тараптар энергетика саласындағы Қазақстан мен Ұлыбритания арасындағы ынтымақтастықты одан әрі дамыту перспективаларын талқылап, британдық бизнеспен өзара байланыс орнату, инвестиция тарту және бірлескен жобаларды іске асыру мәселелеріне тоқталды.

Әсіресе, жаңғыртылатын энергия көздері, гидроэнергетика, жасыл сутегі және басқа да таза энергетика бағыттарында ынтымақтастық мүмкіндіктері ерекше назарға алынды.

Вице-министр Қазақстанның энергетикалық жобаларды жүзеге асыруға британдық тәжірибе, технологиялық сараптама және инвестиция тартуға қызығушылық танытқанын атап өтті. Тараптар заманауи технологиялар, қаржыландыру және аралық жүйелік энергетикалық байланыстарды дамыту саласындағы ынтымақтастық перспективаларын жеке талқылады.

Сонымен қатар, тараптар аралық жүйелік энергетикалық байланыс саласындағы әлеуетті арттыруға арналған семинардың қараша айында өткізілуі жоспарланғанын талқылады.

Кездесу қорытындысы бойынша тараптар энергетика саласындағы практикалық ынтымақтастықты одан әрі дамытуға, британдық бизнестің қатысуын кеңейтудегі және өзара тиімді инвестициялық жобаларды жүзеге асыруға мүдделіліктерін растады. Бұл туралы Тұрғын үй-коммуналдық шаруашылық 24 сайты Энергетика министрлігінің ресми сайтына сілтеме жасай отырып хабарлады.

Фото: gov.kz

Ержан Ертаев Қазақстан Республикасының энергетика вице-министрі болып тағайындалды.

Қазақстан Республикасы Үкіметінің қаулысымен Ертаев Ержан Ерболұлы Қазақстан Республикасының энергетика вице-министрі қызметіне тағайындалды. Бұл туралы Үкіметтің баспасөз қызметі хабарлады.

1985 жылы Павлодар облысында дүниеге келген. Инновациялық Еуразия университетін, Анхальт қолданбалы ғылымдар университетін тәмамдаған. Еңбек жолын 2009 жылы жеке құрылымда электрмеханик ретінде бастаған.

2009-2013 жылдары — Павлодар облысы энергетика және тұрғын үй-коммуналдық шаруашылық басқармасының энергетика бөлімінің жетекші маманы, бас маманы.

2013-2014 жылдары — Мемлекеттік энергетикалық қадағалау және бақылау комитетінің басқарма бастығы, басты эксперті.

2015-2018 жылдары — ҚР Энергетика министрлігінің Ақмола және Қарағанды облыстары бойынша аумақтық департаменттерінің басшысы.

2018-2020 жылдары — ҚР Энергетика министрлігінің комитет төрағасының орынбасары.

2020-2021 жылдары — Павлодар облысының энергетика және ТКШ басқармасының басшысы.

2021-2022 жылдары — «Самұрық-энерго» басқарма төрағасының аппаратының жетекшісі.

2022-2023 жылдары — «Екібастұз ГРЭС-1 Булат Нұржанов атындағы» ЖШС-нің бас директоры.

2023-2024 жылдары — Атомдық және энергетикалық қадағалау мен бақылау комитеті төрағасының орынбасары.

2024 жылдың шілде айынан қазіргі уақытқа дейін ҚР Энергетика министрлігінің Мемлекеттік энергетикалық қадағалау және бақылау комитетінің төрағасы қызметін атқарған.

Жаңалықты ЖКХ24 Министрліктің сайтынан алған ақпаратқа сүйене отырып жеткізді.

Фото: gov.kz