Астананың Алматы аудандық әкімдігі суретшілерді, граффитистерді және барлық шығармашылық жандарды жаңа муралдардың авторы болып, қалалық кеңістіктерді өзгертуге қатысуға шақырады. Бұл туралы Астана қаласының ресми сайтында хабарланады.

Суретшілер мен граффитистер алдағы уақытта Алматы ауданындағы үйлердің немесе ғимараттардың фасадтарын көркемдейтін жаңа муралдарды жасау ұсыныстарын ұсына алады.

Қатысу үшін не қажет:

• Алдағы муралдың не граффитидің эскизін дайындау.
• Идеяны және концепцияны сипаттау: сіз не бейнелегіңіз және шығармашылық жұмысқа қандай мағына салғыңыз келеді.

Эскизді іріктеп келісімге келтіргеннен кейін жобаны жүзеге асыру орны анықталады.

Толығырақ ақпаратты 8 708 928 80 30 телефоны арқылы алуға болады — Аяна Қанат, Алматы ауданы әкімінің кеңесшісі.

деп хабарлайды ТҮКШ24 Астана қаласы әкімдігінің сайтына сілтеме жасап.

Фото: gov.kz

Жетісу облысында бір күн ішінде табиғи газ бес ауылдық елді мекенге жеткізіліп, Панфилов ауданындағы шамамен 1500 тұрғын газбен қамтамасыз етілді, деп хабарлайды Жетісу облысы әкімінің баспасөз қызметі.

Осылайша, Жиделі, Ақарал, Қызылжиде, Сарпылдақ және Керімағаш ауылдарында ұзындығы 58 км газ құбыры тартылды.

Ақарал ауылында газды қосу рәсімінде облыс әкімінің орынбасары Әсет Қанағатұлы бұл маңызды оқиғамен барлығын құттықтады.

– Газдандыру – өмір сапасын жақсартуға арналған маңызды бастама. Бүгін Жетісу облысында 110 елді мекен газдандырылды, 467 мың адам газға қол жеткізді. Құрылыс жұмыстары тағы 16 елді мекенде жалғасуда. Президенттің Кербұлақтан Панфилов ауданына, оның ішінде Талдыкорғанды қамтитын 126 елді мекенді газдандыру туралы тапсырмасы арқасында біз осы жетістікке жеттік. Жыл соңына қарай облыстың газдандыру деңгейі 74%-ға жетеді. Біз бұл жұмысты облыс басшысының қатаң бақылауымен жалғастырамыз, – деп атап өтті Ә. Қанағатұлы.

Газды ресми қосу рәсіміндегі алаудың жағылуы ауылдардың газға қосылғанының символы болды. Жергілікті тұрғындар өз сезімдерімен бөлісті. Ақарал ауылының тұрғыны Раушан Қариева былай деді:

– Мұнда он жылдан бері тұрамын. Екі жыл бұрын осы жаңа үйге көшіп келгенбіз, кішкентай балаларымыз бар. Бүгін бізде газ пайда болды, бұл - үлкен қуаныш. Енді көмір, отын тасу, пеш жағу, күл шығару қажет емес. Жұмысқа сабырлы баруға болады, балалар үшін уайымдамай, жылы үйге оралуыңды білесің, – деді ол.

Панфилов ауданы әкімдігінің мәліметіне сәйкес, 40 елді мекеннің 26-сы газдануға жатады. Жаркент қаласы қазірдің өзінде газдандырылған, өткен жылы Авыт, Ынтымақ, Сүптай, Надек, Ақкент ауылдарына газ жеткізілді. Енді тағы бес ауыл газға қол жеткізді. Қалған 15 елді мекенді қосу ағымдағы жылдың соңына дейін кезең-кезеңімен аяқталады, осылайша 60,7 мың тұрғын газға қол жеткізеді.

Қосымша 6 елді мекеннің жобалық-сметалық құжаттамасы аяқталды. Түрпан, Садыр, Диханқайрат ауылдарына оң қорытындылар алынды. Сарыбель, Басқүнші және Көктал-Арасан ауылдарының жобалары сараптамада, ал құрылыс 2027 жылға жоспарланған.

Бұл ақпарат Жетісу облысы Энергетика және тұрғын үй-коммуналдық шаруашылық басқармасы сайтынан алынды.

Фото: gov.kz