Алматыда Майлин көшесінде жөндеу жұмыстарына байланысты қозғалыс шектеледі

Алматыда Майлин көшесінің бір бөлігінде жөндеу жұмыстарының жүргізілуіне байланысты уақытша қозғалыс шектеулері енгізіледі.

21 тамыз сағат 20:00-ден 24 тамыз сағат 8:00-ге дейін №9 үйден Тбилиси көшесіне дейінгі аумақта қозғалыс шектеледі. Жұмыстар көшенің батыс жағында жүргізіледі, ал қарсы бетінде кері бағыттағы қозғалыс ұйымдастырылады.

Жол қатысушыларына уақытша жол белгілерін қатаң сақтау және өз бағыттарын алдын ала жоспарлау қажет.

Қозғалыс шектеулері туралы барлық ақпарат @AlmatyJoly Telegram-арнасында, әкімдіктің әлеуметтік желілерінде, сондай-ақ 2GIS және «Яндекс карталар» сервистерінде орналастырылады.

Бұл туралы Алматы қаласы әкімдігінің сайтына сілтеме жасап ТҮКШ24 хабарлайды.

Фото: gov.kz