Алматыда жөндеу жұмыстарына байланысты Алтынсарин даңғылының бір бөлігі уақытша жабылады

Алматы қаласында Алтынсарин даңғылының бір бөлігінде орташа жөндеу жұмыстарына байланысты уақытша қозғалыс шектеулері енгізіледі. 22 тамыз күні сағат 23:00-ден 23 тамыз күні сағат 07:00-ге дейін Жандосов және Шаляпин көшелерінің арасындағы учаскеде қозғалыс жабылады.

Жөнделіп жатқан учаскеде ескерту белгілері мен мердігер ұйым басшысының байланыс ақпараттары бар стендтер қойылады. Өз бағыттарыңызды алдын ала жоспарлауды сұраймыз.

Естеріңізге сала кетейік, қозғалыс шектеулері туралы барлық ақпарат @AlmatyJoly Telegram-арнасында, әкімдіктің әлеуметтік желілерінде, сондай-ақ 2GIS және «Яндекс карталар» сервистерінде жарияланған.

ЖКХ24, Алматы қаласы әкімдігінің ресми сайтына сілтеме жасап хабарлайды.

Фото: gov.kz