Алматыда «Жастар қатысуының бюджеті» жобалары бойынша онлайн дауыс беру 2023 жылғы 11 тамызда басталды. Бұл бастама Қазақстанда алғаш рет жүзеге асырылып отыр және қалада қаржыландырылып, іске асырылатын бастамаларды анықтауға мүмкіндік береді.

Алматы қаласының жастар саясаты басқармасының мәліметінше, конкурсқа 203 өтінім келіп түскен, оның ішінде алдын ала іріктеу және сарапшылардың бағасынан өткен 122 жоба дауыс беруге жіберілді.

Көптеген бастамалар әлеуметтік салада ұсынылған — 35 жоба, IT және цифрландыру аясында — 30, білім беру саласында — 21. Сондай-ақ, конкурс қатысушылары мәдениет, экология, денсаулық, спорт және инфрақұрылым саласында жобалар ұсынды.

«Біз тұңғыш рет жастарды қоғамдық өмірдің жай қатысушысы ғана емес, қалалық өзгерістердің толыққанды авторы ететін жүйені жасап жатырмыз. Конкурсқа ұсынылған әрбір идея — жас алматылықтардың қаланың дамуына қосқан үлесі. Енді дәл тұрғындар қай жобалардың бірінші кезекте жүзеге асырылатынын анықтайты болады. Мұндай тәсіл жауапкершілік, сенім және бірлескен шешім қабылдау мәдениетін қалыптастырады», — деді «Жастар қатысуының бюджеті» жобасының жетекшісі Самархан Абдуғалиев.

Жоба жас алматылықтарға қалалық орта дамуына өз идеяларын ұсынуға және бюджет есебінен қаржыландырылатын бастамаларды таңдауда қатысуға мүмкіндік береді. Онлайн дауыс беру 18 тамызға дейін жалғасады. Тұрғындардың ең көп қолдауына ие болған жобалар жеңімпаз болып саналады.

деп хабарлайды ТҮКШ24 Алматы қаласы әкімдігінің сайтына сілтеме жасап.

Фото: gov.kz

Астанада газ жүйелеріне онлайн-қосылу басталды, бұл Энергетика министрлігінің отын-энергетикалық кешенін цифрландыру іс-шараларының бір бөлігі болып табылады. Онлайн қызметтің іске қосылуы тұтынушылар үшін газ жүйелеріне қосылу процесін айтарлықтай жеңілдетеді.

«QazaqGaz Aimaq» АҚ техникалық шарттарды (ТШ) алу рәсімін цифрлық форматқа ауыстыруды аяқтады. Қазіргі уақытта техникалық шарттарды алуға жыл сайын келіп түсетін 120 мың өтінімнің шамамен 95 мыңы, яғни 80%-ы онлайн режимде өңделеді.

«QazaqGaz Aimaq» АҚ онлайн форматта техникалық шарттарды беру қызметін қамтамасыз ететін табиғи монополиялардың жалғыз субъектісі болып табылады. 2023 жылдан бастап бұл мүмкіндік халыққа eGov порталы және eGov Mobile қосымшасы арқылы қолжетімді, ал 2025 жылдан бастап бұл сервис заңды тұлғалар үшін де қолжетімді болады.

Биылғы жылдың 1 шілдесінен бастап жаңа тұтынушылардың қолайлылығы үшін бүкіл техникалық шарттарды алу процесі онлайн форматқа ауыстырылды. Техникалық шарттар Қазақстан Республикасының заңнамасында белгіленген мерзімдерде беріледі: техникалық тұрғыдан қарапайым нысандар үшін - 5 күн ішінде, ал техникалық күрделі нысандар үшін - 10 күн ішінде.

Келесі кезеңде газ тарату жүйелеріне, оның ішінде газ қосу және жіберу процесінің цифрландырылуы жүзеге асырылады. «QazaqGaz Aimaq» АҚ бұл қызметтерді келесі жылы автоматтандыруды және цифрландыруды жоспарлап отыр.

Қазіргі уақытта Астанада желілерге қосылу қызметі пилоттық режимде ұсынылуда, ал 2026 жылдың соңына дейін бұл сервисті Алматы мен Атырау облысында енгізу жоспарлануда, соның нәтижесінде жоба еліміздің барлық өңірлеріне ауқымданады.

деп хабарлайды ТҮКШ24 Энергетика министрлігінің сайтына сілтеме жасап.

Фото: gov.kz