Алматыда «Жастар қатысуының бюджеті» жобалары бойынша онлайн дауыс беру басталды

Алматыда «Жастар қатысуының бюджеті» жобалары бойынша онлайн дауыс беру 2023 жылғы 11 тамызда басталды. Бұл бастама Қазақстанда алғаш рет жүзеге асырылып отыр және қалада қаржыландырылып, іске асырылатын бастамаларды анықтауға мүмкіндік береді.

Алматы қаласының жастар саясаты басқармасының мәліметінше, конкурсқа 203 өтінім келіп түскен, оның ішінде алдын ала іріктеу және сарапшылардың бағасынан өткен 122 жоба дауыс беруге жіберілді.

Көптеген бастамалар әлеуметтік салада ұсынылған — 35 жоба, IT және цифрландыру аясында — 30, білім беру саласында — 21. Сондай-ақ, конкурс қатысушылары мәдениет, экология, денсаулық, спорт және инфрақұрылым саласында жобалар ұсынды.

«Біз тұңғыш рет жастарды қоғамдық өмірдің жай қатысушысы ғана емес, қалалық өзгерістердің толыққанды авторы ететін жүйені жасап жатырмыз. Конкурсқа ұсынылған әрбір идея — жас алматылықтардың қаланың дамуына қосқан үлесі. Енді дәл тұрғындар қай жобалардың бірінші кезекте жүзеге асырылатынын анықтайты болады. Мұндай тәсіл жауапкершілік, сенім және бірлескен шешім қабылдау мәдениетін қалыптастырады», — деді «Жастар қатысуының бюджеті» жобасының жетекшісі Самархан Абдуғалиев.

Жоба жас алматылықтарға қалалық орта дамуына өз идеяларын ұсынуға және бюджет есебінен қаржыландырылатын бастамаларды таңдауда қатысуға мүмкіндік береді. Онлайн дауыс беру 18 тамызға дейін жалғасады. Тұрғындардың ең көп қолдауына ие болған жобалар жеңімпаз болып саналады.

деп хабарлайды ТҮКШ24 Алматы қаласы әкімдігінің сайтына сілтеме жасап.

Фото: gov.kz