Алматы қаласының қала құрылысы бақылау басқармасы Құрманғазы көшесі, 43 мекенжайындағы кафенің жанындағы заңсыз салынған құрылыс бұзылғанын хабарлады.

Кезектен тыс тексеріс барысында нысанның иесі ғимаратты заңсыз тұрғызғаны анықталып, әкімшілік шаралар қабылданды. Алматы қаласының әкімшілік құқық бұзушылықтар жөніндегі мамандандырылған ауданаралық соты иесін кінәлі деп танып, заңсыз салынған құрылысты бұзуды тапсырды.

Сот шешімін орындау үшін нысанды бұзу ісін меншік иесі өзі жүзеге асырды.

ЖКХ24 сайты Алматы қаласының қала құрылысы бақылау басқармасының ресми сайтына сілтеме жасай отырып хабарлайды.

Фото: gov.kz

Алматыда LRT жобасын жүзеге асыруға байланысты Төле би көшесінің бір бөлігінде көлік қозғалысы уақытша шектеледі.

Атап айтқанда, электр желілерін жаңғырту жұмыстарына байланысты 14 тамыз сағат 22:00-ден 15 тамыз сағат 06:00-ге дейін Мұханов көшесінен Қожамқұлов көшесіне дейінгі бөлікте қозғалыс тоқтатылады.

Жұмыс жүргізілетін учаскеде ескерту белгілері орнатылады. Маршрутыңызды алдын ала жоспарлауыңызды сұраймыз.

Айта кетейік, көлік қозғалысына шектеулер туралы барлық ақпарат Telegram-арнасында @AlmatyJoly, әкімдіктің әлеуметтік желілердегі парақшаларында, сонымен қатар 2GIS және «Яндекс карталар» қосымшаларында жарияланады.

деп хабарлайды «ТКШ24» Алматы қаласы әкімдігінің сайтына сілтеме жасап.

Фото: gov.kz