2026 жылғы 28 тамыздан 16 қазанға дейін Алматы қаласындағы Қайрат ықшам ауданында «Jeti Qazyna» тұрғын үй кешеніне су бұру желілері тарту жұмыстары жүргізіледі. Бұл туралы қаланың энергетика және сумен жабдықтау басқармасы хабарлады.

Жұмыстардың өтуіне байланысты кейбір көшелерде автокөлік қозғалысы ішінара шектеледі.

Желілер үш учаскеде тартылады. Бірінші учаске Қорымдық көшесі, 1а нүктесінен Тараз және Байге көшелерінің қиылысына дейін қамтылады. Мұнда жұмыстар 31 тамыздан 30 қыркүйекке дейін жоспарланған.

Екінші учаске - Тараз және Байге көшелерінің қиылысынан Сұлтал және Байге көшелерінің қиылысына дейін. Мұнда жұмыстар 30 қыркүйектен 15 қазанға дейін өткізіледі.

Үшінші учаске - Сұлутал және Байге көшелерінің қиылысынан Сыбызғы көшесіне дейін. Жұмыстар 31 тамыздан 30 қыркүйекке дейін жоспарланған.

Жоба аясында канализациялық желілердің монтажы және аумақты кейіннен абаттандыру қарастырылған.

Тұрғындар мен жүргізушілерден уақытша қолайсыздықтарға түсіністікпен қарап, маршруттарды жоспарлауда шектеулерді ескеруді және уақытша жол белгілерінің талаптарын сақтауды сұрайды.

Алматы қаласының энергетика және сумен жабдықтау басқармасының сайтына сілтеме жасағанда.

Фото: gov.kz

Астанада Сарыбұлақ өзені жағалау аймағын тазалау және абаттандыру шеңберінде ауқымды экологиялық «Таза жағалау» акциясы өтті. Бұл туралы ресми ақпаратты Астана қаласының әкімдігінің сайты хабарлайды.

«Таза жағалау» экологиялық акциясы Қазақстан Республикасы Экология және табиғи ресурстар министрлігінің бастамасымен, Астана қаласының әкімдігі мен Астана қаласы бойынша экология департаментінің қолдауымен ұйымдастырылды. Өзен жағалауларының тазалығын сақтау жұмыстарына «Астана жастары» жастар ресурстық орталығының еріктілері белсенді қатысты.

Акция республикалық «Таза Қазақстан» бастамасы аясында өтті және жағалау аймақтарының тазалығын сақтау мен табиғатқа ұқыпты қарауды мақсат етті.

«Бүгін «Таза жағалау» экологиялық акциясы аясында су айдындарына жақын жағалау аймақтар тазаланып жатыр. Астанада акция барысында Сарыбұлақ өзенінің айналасындағы жерлер таза қалпына келтірілді. Осындай іс-шаралар жағалау аймақтарын тазалықта ұстауға ғана емес, қоршаған ортаға жауапты көзқарас қалыптастыруға да көмектеседі. Табиғат пен қалалық территориялардың тазалығына қамқорлық жасау - әркім өз үлесін қоса алатын ортақ міндет болуы маңызды», — деп атап өтті Астана қаласы бойынша экология департаменті басшысының орынбасары Әлімжан Жанбатыр.

Ақпарат көзі: Астана қаласы әкімдігінің сайтына сілтеме жасап, ТКШ24 хабарлайды.

Фото: gov.kz