3 августа 2026 г.
Алматыда Панфилов көшесінің бөлігін «Халық қатысатын бюджет» бағдарламасы аясында абаттандыру басталды
Алматыда Панфилов көшесінің бөлігін абаттандыру жұмыстары басталды. Жоба тұрғындар бастамасымен жүзеге асырылуда.
Алматыда тұрғындардың бастамасымен Жібек жолы даңғылынан Райымбек даңғылына дейінгі Панфилов көшесінің бөлігін абаттандыру басталып отыр. Жоба осы жылдың мамыр айынан бері «Халық қатысатын бюджет» бағдарламасы аясында іске асырылуда, деп хабарлайды Алмалы ауданының әкімдігі.
Аумағы 1,7 га жер қала орталығындағы тарихи пешеходтық маршруттың жалғасы болып, Алматы-2 теміржол вокзалына дейін ыңғайлы жол қамтамасыз етеді.
Абаттандырудағы негізгі басымдылық көгалдандыру болып табылады. 1 га аумақта бар ағаштарды сақтап, 10 мың шаршы метр көгал егіліп, жол бойымен 18 мың көпжылдық бұта отырғызылады. Жасыл желектерге күтім жасау үшін автоматты және тамшылап суару жүйелері қарастырылған.
Жаяу жүргінші инфрақұрылымы 0,7 га аумақта жаңаланады. Бөлікте 6 325 шаршы метр брусчатка және 750 шаршы метр асфальт төселіп, 20 қоқыс жәшігі және 106 жаңа жарықтандыру тіректері орнатылады. Олар үшін 2,1 км кабельдік желілер жүргізілуде.
Аудан әкімдігінде: «Абаттандыру Панфилов көшесінің төменгі бөлігін жарық, қауіпсіз және жаяу жүргіншілерге ыңғайлы етеді», — деп атап өтті.
деп жеткізеді Тұрғын үй-коммуналдық шаруашылығы24 сайты Алматы қаласы әкімдігінің сайтына сілтеме жасап.
Фото: gov.kz