23 тамызда Алматыда Құрылтай сайлауы күні қоғамдық көлікте жол жүру тегін болады. Бұл шешім сайлау күні қала тұрғындары мен қонақтарына ыңғайлы қозғалысты қамтамасыз ету мақсатында қабылданды.

Алматы қаласының жол қозғалысын ұйымдастыру және жолаушылар көлігі басқармасы барлық қоғамдық көлік маршруттарында – автобустар, троллейбустар және метро бойынша, күн бойы тегін жүру мүмкіндігі берілетінін хабарлады.

Басқарма қала тұрғындары мен қонақтарын алдын ала өз сапарларын жоспарлап, сайлау күні қалада ыңғайлы қозғалыс үшін қоғамдық көлікті пайдалануға шақырады.

деп хабарлайды Тұрғын үй-коммуналдық шаруашылық 24 Алматы қаласының жол қозғалысын ұйымдастыру және жолаушылар көлігі басқармасының сайтына сілтеме жасап.

Фото: gov.kz

Астанада 23 тамызда, Қазақстан Республикасы Құрылтай депутаттарын сайлау күні, қоғамдық көліктер тегін жүреді. Тегін жүру келесі бағыттарда қолжетімді болады:

• Tarlan Astana жеңілрельсті көлік жүйесінде;
• Қалалық маршруттарда;
• Экспресс-маршруттарда;
• Қала маңы маршруттарында.

Бұл шара азаматтардың қала ішінде еркін жүруін қамтамасыз ету және сайлау учаскелерінің қолжетімділігін арттыру мақсатында ұйымдастырылуда. Жолаушылардан бұл ақпаратты өз сапарларын жоспарлау кезінде ескерулерін сұраймыз. Бұл туралы Астана қаласы әкімдігінің сайтына сілтеме жасап ТКШ24 хабарлайды.

Фото: gov.kz