Мемлекеттік инвестициялар есебінен құрылыс жобалары енді Qportal арқылы реттеледі - ҚР ИИДМ

Мемлекеттік инвестициялар есебінен жүзеге асырылатын құрылыс жобалары енді сандық форматта Qportal.kz бірыңғай құрылыс порталы арқылы орындалады. Бұл ақпарат Қазақстан Республикасының Индустрия және инфрақұрылымдық даму министрлігінің (ҚР ИИДМ) сайтында жарияланды.

Портал "бір терезе" қағидаты бойынша жұмыс істейді және жобаның қатысушыларына жобалау процесінің негізгі қадамдарын бірыңғай жүйеде жүзеге асыруға мүмкіндік береді. Атап айтқанда, платформаның мүмкіндіктері мыналарды қамтиды:

• келісімшарттарға қол қою;
• жұмыс топтарын құру;
• техникалық тапсырмалар мен жұмыс кестелерін жасау және келісу;
• инженерлік зерттеулер мен жобалық-сметалық құжаттаманы үйлестіру;
• инженерлік зерттеулер мен жобалауға байланысты орындалған жұмыстар актілерін рәсімдеу.

Барлық жүргізілген операциялар электрондық цифрлық қолтаңба арқылы расталады.

Инженерлік зерттеулер аяқталғаннан кейін және жобалық құжаттама әзірленген соң, материалдар Qportal.kz арқылы сараптамаға жіберіледі. Осылайша, инженерлік зерттеулер жүргізуден бастап, материалдарды сараптамаға жіберуге дейінгі барлық процесс бірыңғай сандық жүйеде жүзеге асырылады.

Еске сала кетсек, 2026 жылғы 1 шілдеден бастап, Қазақстан Республикасының Құрылыс кодексі талаптарына сай, жобалар бойынша инженерлік зерттеулер мен жобалық-сметалық құжаттама әзірлеу Бірыңғай құрылыс порталы арқылы жүргізілуі тиіс.

Бірыңғай құрылыс порталында жұмыс істеу бойынша толық нұсқаулар порталдың басты бетінде «Тапсырыс берушінің нұсқаулары» бөлімінде орналасқан. Сұрақтар туындаған жағдайда пайдаланушылар қолдау қызметіне help@qportal.kz электрондық поштасы арқылы немесе +7 (7172) 57-37-30 телефонына хабарласа алады.

деп хабарлайды ТКШ24 Қазақстан Республикасының Индустрия және инфрақұрылымдық даму министрлігінің сайтына сілтеме жасап.

Фото: gov.kz