Табиғи монополияларды реттеу комитетінің тұрғын үй-коммуналдық шаруашылықтағы қоғамдық қабылдауының басты тақырыптары

Жылу маусымына дайындық, коммуналдық инфрақұрылымды жаңғырту, электр, жылу, сумен жабдықтау және суды бұру салаларындағы тарифтік қалыптастыру мәселелері, сондай-ақ тауарлық газ бағаларын мемлекеттік реттеу шаралары Қазақстан Республикасы Ұлттық экономика министрлігінің Табиғи монополияларды реттеу комитеті Facebook платформасында онлайн-форматында өткізген қоғамдық қабылдаудың негізгі тақырыптары болды.

Басты тақырыптардың бірі - алдағы жылыту маусымына дайындық. Жылумен жабдықтаудың сенімділігі инфрақұрылымды жаңғырту, жөндеу кампанияларын уақытында өткізу және жылу көздері мен жылу желілерінің техникалық жағдайын бақылауға байланысты қамтамасыз етіледі. Сондай-ақ, эфир қатысушыларына жылумен жабдықтау нысандарын ауқымды жаңғырту және инженерлік инфрақұрылымның тозу деңгейін төмендетуді көздейтін «Энергетикалық және коммуналдық секторларды жаңғырту» ұлттық жобасының жүзеге асырылуы туралы айтылды.

Сумен жабдықтау және суды бұру салаларына ерекше назар аударылды. Қоғамдық қабылдау барысында тарифтер қалыптастырудың негізгі қағидалары, инвестициялық бағдарламаларды орындауды бақылау механизмдері мен бұзушылықтар анықталған жағдайда тұтынушыларға қаражатты өтемдік тарифтер арқылы қайтару түсіндірілді. Сонымен қатар, «Инвестицияларға айырбас тариф» бағдарламасын жүзеге асыру, су тұтынудағы әлеуметтік нормаларды енгізу және су шаруашылығы инфрақұрылымын жаңғырту жайында ақпарат берілді.

Электр энергетикасы саласында Комитет мамандары тұтынушыларға арналған электр энергиясының соңғы бағасының құрылымы, реттеу механизмдері және тұтынушылар мен энергиямен жабдықтаушы ұйымдардың мүдделер теңгерімін қамтамасыз етуге бағытталған шаралар туралы айтып берді. Сонымен қатар, электр энергиясының көтерме нарығындағы кейбір субъектілеріне бағытталған адрестік қолдау механизмі жайында ақпарат ұсынылды.

Эфирдің тағы бір тақырыбы тауарлық газ бағаларын мемлекеттік реттеу болды. Тұтынушыларға газдың бөлшек сауда бағасы қандай құрамдас бөліктерден тұратынын, мемлекет қандай реттеу механизмдерін қолданатынын және тұтынушылардың кейбір санаттары үшін қандай әлеуметтік қолдау шаралары көзделетінін түсіндірілді.

Қоғамдық қабылдау коммуналдық сектордағы ағымдағы жағдай, жүзеге асырылып жатқан инфрақұрылымдық жобалар және коммуналдық қызметтердің сенімділігі мен сапасын арттыруға бағытталған шаралар туралы тұтынушыларды ақпараттандыру алаңына айналды, - деп хабарлайды ЖКХ24 Табиғи монополияларды реттеу комитетінің сайтында.

Фото: суретті жасанды интеллект жасаған