Нұрлыбек Нәлібаев Жетісу облысындағы инвестициялық және инфрақұрылымдық жобалардың жүзеге асырылуымен танысты

Қазақстан Республикасы Премьер-Министрінің бірінші орынбасары Нұрлыбек Нәлібаев Үкімет басшысының тапсырмасы бойынша Жетісу облысына жұмыс сапарымен барды. Ол электр және жылу жүйелерін жақсарту, сондай-ақ тұрғын үй, әлеуметтік және өрт қауіпсіздігі инфрақұрылымы нысандарының құрылысы сияқты ірі жобалардың жүзеге асырылу барысымен танысты.

Мемлекет басшысының тапсырмасы бойынша халықтың өмір сүру сапасын жақсартуға бағытталған жобалар Үкіметтің ерекше бақылауында, алдағы жылыту маусымына дайындық та назардан тыс қалмаған.

Жұмыс сапары әлеуметтік-экономикалық даму қорытындылары ұсынылған кеңестен басталды. Экономикалық өсімге ықпал еткен негізгі салалар - өнеркәсіп, көлік, қоймалау, байланыс қызметтері және ауыл шаруашылығы. Нәтижесінде 11,5 мыңға жуық жұмыс орны ашылды.

Сапар Текелі қаласында жалғасты, онда Текелі энергетикалық кешенін жекеменшік инвестиция есебінен жаңартуға және кеңейту жұмыстары ұсынылды. Бүгінде жалпы қуаты 36 МВт болатын үш газ турбиналық қондырғы іске қосылды. Жоба дайындығы 90%-ды құрайды.

Парагаз қондырғысын іске қосу Текелі қаласында электр энергиясының тапшылығын жойып қана қоймай, жаңа өндірістік және тұрғын үй нысандарын сенімді жылумен қамтамасыз етеді.

Қорын су электр станциясын құруға 10,2 миллиард теңге жеке инвестициялар тартылды. Станция іске қосылғаннан кейін аймақта жылына 95 миллион кВт·сағ "жасыл" электр энергиясын өндіру артты, ал облыс бойынша өсу 22%-дан асты. Қазіргі уақытта Жетісу облысында 19 жаңартылатын энергия көздерінен объекттер жұмыс істейді.

"Таза Қазақстан" бағдарламасы шеңберінде жүзеге асырылған абаттандыру жобаларына ерекше назар аударылды. Ескелді ауданына қарасты Қарабұлақ ауылында көп пәтерлі тұрғын үй қорын жаңарту мен "Жеңіс" паркін абаттандыру жұмыстары ұсынылды.

Өткен жылы "Таза Қазақстан" бағдарламасы аясында 13 парк, 6 аллея, 2 гүлзар, 2 орталық алаң, 49 аула, сондай-ақ 81 балалар және спорт алаңқайлары абаттандырылды.

Жетісу - аграрлық аймақ болуына байланысты ауыл шаруашылығы өнімдерін өндіру көлемі 519,7 млрд теңгеге, ал өңдеу көлемі 110 млрд теңгеге жетеді деп болжануда.

Агроөнеркәсіптік кешенге қолдау көрсетуге 68,1 млрд теңге бөлінді, жалпы егістік алқап көлемі 514,2 мың га-ға дейін ұлғайды. Аймақ үшін маңызды дақыл - қант қызылшасы 13,5 мың га-да өсірілуде.

Бірінші Премьер-Министр орынбасары Ескелді ауданындағы "НАМ" шаруа қожалығын аралап, жер асты тамшылатып суғару жүйесінің жұмысымен танысты. Су ресурстарын тиімді пайдалану үшін қожалықта заманауи испан технологиялары негізінде автоматтандырылған жүйе енгізілді.

Соңғы төрт жылда Жетісуда заманауи суғару технологиялары бар жерлер көлемі 4,6 есе ұлғайып, 34 мың га-ға жетті. Бүгінгі таңда аймақтың суармалы жерлерінің 20,5%-ында ылғал үнемдейтін технологиялар қолданылады.

Сапардың екінші күні Нұрлыбек Нәлібаев өнеркәсіп және энергетика объекттерін қарап, жылыту маусымына дайындықты тексерді.

Өткен жылдың маусым айында Талдықорғанда жылына 150 мың м³ газбетон блоктарын шығаратын зауыт іске қосылды. Инвестиция көлемі 2,5 млрд теңге, 30 жұмыс орны құрылды. Қазір кәсіпорын толық қуатында жұмыс істеп, өндіріс үдерісі толық автоматтандырылған.

Сапар барысында энергетика дамуының мәселелеріне ерекше көңіл бөлінді. Талдықорғандағы "Басқуат" орталық қазандық жанында газ турбиналық станция салу жобасы ұсынылды.

Облыс орталығында жылу жүйесін кезең-кезеңімен табиғи газға ауыстыру жұмыстар жүргізілуде. "Басқуат" ағаты көмір қазандығы резервте қалады. Бұл шаралар экологиялық жағдайға оң әсерін тигізеді.

Талдықорғанда сапалы жылумен қамтамасыз ету үшін бюджет қаражаты есебінен қуаты 49 Гкал/сағ кварталдық қазандық салынып жатыр. Жоба аяқталғаннан кейін тұрақты жылумен 120-дан астам көп пәтерлі үйлер, 17 әлеуметтік нысан және шамамен 20 мың тұрғын қамтамасыз етіледі. Объектіні қараша айында пайдалану жоспарланған.

Айта кету керек, Жетісу - 2026–2027 жылдарға арналған жобаларды қалыптастыра отырып, "Энергетикалық және коммуналдық секторды жаңғырту" ұлттық жобасын жүзеге асыруда жетекші аймақ.

Аймақта ұлттық жобаны жүзеге асыру үшін екі жыл ішінде шамамен 79 млрд теңге инвестиция бағытталады. Бұл қаржылардың көмегімен 1 156,2 км инженерлік желілер жөнделіп, жаңартылады және 83,6 мың есептеу құралдары орнатылады деп жоспарлануда. Инженерлік инфрақұрылымн истикасының 19%-ға азаюы күтілуде.

Сапар барысында әлеуметтік маңызды нысандар мен тұрғын үй құрылысына да назар аударылды.

2022 жылы Талдықорғанда республикалық бюджет есебінен төрт автомобильге арналған өрт депосының құрылысы басталды. Нысан толықтай дайын және жақында іске қосылады. Бұл қаланың оңтүстік-батыс бөлігін және адамдардың жаппай шоғырланатын жерлерін өрт қауіпсіздігімен қамтамасыз етеді.

Сондай-ақ 500 ауысымдық қабылдау медициналық мекемесінің құрылысы тексерілді. Объектінің дайындығы 84%, іске қосу мерзімі - қыркүйек. Жаңа мекеме іске қосылғаннан кейін қолданыстағы медициналық мекеменің жүктемесі азайып, 50 мың тұрғынға қызмет көрсетілетін болады.

Әлеуметтік осал санаттағы халық үшін "Жастар-3" шағын ауданында тұрғын үй құрылысы жүргізілуде, 790 жеке үй салу жоспарланған. 2024–2025 жылдары 309 үйдің құрылысы аяқталады. Биыл тағы 350 үй алынып, жылдың соңына дейін аяқталады.

Сондай-ақ аймақтың жол инфрақұрылымын дамыту есебі ұсынылды. Жақсы және қанағаттанарлық жағдайда республикалық маңызы бар жолдардың үлесі 100%, ал облыстық жолдар 96%.

Сапар қорытындысына сәйкес, Жетісудың агроөнеркәсіптік және инвестициялық әлеуетін одан әрі дамыту, жылыту маусымына дайындық, жаңа жұмыс орындарын құру, инфрақұрылымдық жобаларды жүзеге асыру және әлеуметтік нысандардың ашылуы бойынша нақты тапсырмалар берілді.

деп хабарлайды ТКШ24 Жетісу облысы энергетика және тұрғын үй-коммуналдық шаруашылық басқармасының сайтына сілтеме жасай отырып.

Фото: gov.kz