Нурлыбек Налибаев Актөбе облысындағы стратегиялық жобалардың жүзеге асырылу барысымен танысты

Нурлыбек Налибаев Актөбе облысындағы стратегиялық жобалардың жүзеге асырылу барысымен танысты.

Қазақстан Республикасы Премьер-Министрінің бірінші орынбасары Нурлыбек Налибаев Үкімет басшысының тапсырмасы бойынша Актөбе облысына жұмыс-сапармен келді. Сапар барысында ол көлік инфрақұрылымы, өнеркәсіп, тұрғын үй-коммуналдық шаруашылық, цифрландыру салаларындағы жобалардың жүзеге асырылуымен танысты, сондай-ақ салынатын әлеуметтік нысандарды аралады.

Президенттің қолдауымен жүзеге асырылатын жобалар ең алдымен қоғамның өмір сүру сапасын арттыруға және аймақтың әлеуметтік-экономикалық дамуына бағытталған. Кешенді жобалардың жүзеге асырылу кезеңдерінің барлығы, сондай-ақ туындайтын мәселелер Үкіметтің бақылауында.

Жұмыс-сапардың екінші күні Нурлыбек Налибаев Актөбе облысының әлеуметтік-экономикалық дамуы, инвестициялар тарту, өнеркәсіпті дамыту және Президент тапсырмаларын орындауға арналған мәселелер бойынша кеңес өткізді. Кездесу барысында аймақтың әлеуметтік-экономикалық дамуын жаңа деңгейге көтеру мүмкіндіктері талқыланды.

Сапар аясында «Ақтөбе ТЭЦ» АҚ-ның алдағы жылу беру маусымына дайындығы да қаралды. Жауапты тұлғаларға жөндеу жұмыстарын уақытында аяқтауды және жылу беру кезеңінің тұрақты өтуін қамтамасыз етуді тапсырылды. Жоспарға сәйкес, дайындық қыркүйек айында аяқталуы тиіс.

ЖКХ24 Актөбе облысының энергетика және тұрғын үй-коммуналдық шаруашылық басқармасының сайтына сілтеме жасай отырып хабарлайды.

Фото: gov.kz