Қызылордадағы жаңа газдық ЖЭЦ іске қосылғаннан бері шамамен 500 млн кВт·сағ электр энергиясын өндірді. Бұл жағдай 240 МВт қуаттылығымен бу-газ қондырғысының Қазақстанның Біртұтас электр энергиясы жүйесіне қосқан үлесінің артып келе жатқанын, тұтынушыларға сенімді энергиямен жабдықтауын қамтамасыз етіп отырғанын көрсетеді.

Бұл көлемдегі электр энергиясы 130 мың пәтерді жыл бойы қамтамасыз етуге немесе халқы 400 мыңнан асатын қала қажеттіліктерін қамтуға жеткілікті.

Осы жылы Қазақстанда қуаты 2,6 ГВт болатын жаңа станциялар, оның ішінде 4 газ станциясы және екі бар станцияны кеңейту жоспарланып отыр. Сондай-ақ, 10 жаңа жаңартылатын энергия көздерінің нысандарын іске қосу көзделуде.

Аталған жобаларды жүзеге асыру елде 2027 жылдың бірінші тоқсанында энергия тапшылығы проблемасын шешуге, ал 2029 жылға дейін тұрақты электр энергиясының артықшылығын қамтамасыз етуге мүмкіндік береді делінген хабарламада.

Фото: gov.kz

Астанада 8 тамыздан 10 қыркүйекке дейін Қорғалжын тас жолының "Рубеж" бекетінен №128 көшесіне дейінгі бөлігінде орташа жөндеу жұмыстарына байланысты қозғалыс шектеледі.

Көліктердің қозғалысы жолдың бір жағы арқылы екі бағытта ұйымдастырылады.

Жүргізушілер мен жаяу жүргіншілер маршруттарын алдын ала жоспарлап, мүмкін болатын өзгерістерді ескерулері керек. Қауіпсіздікті қамтамасыз ету және қолайсыздықтарды азайту үшін уақытша жол белгілері және көрсеткіштер орнатылады.

деп хабарлайды Астана қаласы әкімдігінің сайтына сілтеме жасаған ТКШ24.

Фото: gov.kz