Қазақстан Республикасы Ұлттық экономика министрлігінің Табиғи монополияларды реттеу комитеті жаңартылатын энергия көздерін қолдау орталығының тариф бағасын көтеруге қатысты жария тыңдаулар өткізді. Бүгін электр энергиясын орталықтандырылған сатып алу және сатуға, сондай-ақ электр қуатының дайындығын қамтамасыз ету қызметтерінің шекті бағадан жоғары көтерілуі туралы хабарлама талқыланды.

Тыңдаулар барысында «Жаңартылатын энергия көздерін қолдау орталығы» ЖШС өкілдері тариф бағалары туралы хабарламаның негізгі параметрлерін таныстырды.

Жария тыңдауда Табиғи монополияларды реттеу комитеті, «Жаңартылатын энергия көздерін қолдау орталығы» ЖШС, бұқаралық ақпарат құралдары және басқа да мүдделі тұлғалар қатысты. Қатысушылар сұрақ қоюға, ұсынылған материалдарды талқылауға және өз ұсыныстарын білдіруге мүмкіндік алды.

Комитет экономикалық негізділік және заңнама талаптары тұрғысынан ұсынылған материалдарды қарауды жалғастырады. Шешім заңда белгіленген мерзімде, жария тыңдауға қатысушылардың пікірлері мен ұсыныстарын ескере отырып қабылданады. Бұл туралы ТҮКШ24 Табиғи монополияларды реттеу комитетінің сайтынан сілтеме жасай отырып хабарлайды.

Фото: gov.kz

2026 жылдың 12 қазанынан 1 қарашасына дейін алматылықтар «Халық қатысатын бюджет» жобасы аясында өз ұсыныстарын бере алады. Іріктеуден өткен және дауыс беру нәтижесі бойынша тұрғындардың қолдауына ие болған бастамаларды аудандық әкімдіктер 2027 жылы жүзеге асыруды жоспарлап отыр.

Жоба қала тұрғындарына қалалық ортаны абаттандыру және дамыту бойынша идеялар ұсынуға, сондай-ақ ең қажетті бастамаларды таңдауға қатысуға мүмкіндік береді.

Өтінімдер электронды түрде budget.open-almaty.kz порталы арқылы қабылданады. Қатысу үшін жоба атауын және сипаттамасын, іске асыру орнының мекенжайын көрсету, сондай-ақ эскиз бен алдын ала сметаны қоса беру қажет. Толыққанды жобалау-сметалық құжаттама әзірлеу осы кезеңде талап етілмейді.

Бір жобаның құны 324,3 млн теңгеден аспауы тиіс. Бастама жалпы қолданысқа арналған, аудан қажеттіліктеріне сәйкес болуы, аудандық әкімдіктің құзыретіне жатуы және жекеменшік коммерциялық сипатта болмауы қажет.

Тұрғындар көгалдандыру, тротуарлар, пандустар және арықтарды жабдықтау және жөндеу, саябақтар, скверлер және жаяу жүргіншілер аймақтарын көркейту, қалалық инфрақұрылым элементтерін жөндеу, қоқыстарды жою, орындықтар, қоқыс жәшіктері және беседкалар орнату, сондай-ақ балалар және спорт алаңдарын жасау және жөндеу сияқты мұқтаждықтарға ұсыныстар бере алады.

Өтінімдер қабылданғаннан кейін жоба ұсыныстарын аудандық сараптамалық кеңестер қарайды. Идеяның өзектілігі, оны іске асыру мүмкіндігі, белгіленген бағыттарға сәйкес келуі және бұрын жүзеге асырылған жобаларды қайталамау ескеріледі.

Қарау нәтижесінде өтінім үш мәртебенің бірін алады: «Дауыс беруге қабылданған», «Толықтыруға жіберілген» немесе «Қабылданбаған». Толықтыруға жіберілген жобалардың авторлары өзгерістер енгізіп, оларды қайта қарастыруға ұсына алады.

Дауыс беру де budget.open-almaty.kz порталында электронды түрде өтеді. Оның нәтижесі бойынша қарастырылған қаржыландыру шеңберінде жүзеге асырылатын жобалар анықталады.

Қосымша ақпаратты Алматы қаласының аудандық әкімдіктерінен және «Open Almaty» қоғамдық қабылдауынан 224-39-29 ішкі. 203 телефоны арқылы алуға болады.

деп хабарлайды ЖКХ24 Алматы қаласы әкімдігінің сайтына сілтеме жасап.

Фото: gov.kz