9 июня 2026 г.
Астанада «KEGOC» АҚ өтініші бойынша қоғамдық тыңдаулар өткізілмек
Астанада «KEGOC» АҚ өтініші бойынша қоғамдық тыңдаулар 2026 жылдың 10 шілдесінде өтеді.
ҚР ҰЭМ Табиғи монополияларды реттеу комитеті «Казахстанская компания по управлению электрическими сетями «KEGOC» АҚ-ның электр энергиясын беру, ұлттық электр желісін пайдалану, техникалық диспетчерлеу қызметтерінің тарифтері мен тарифтік сметаларын бекіту бойынша 2026-2031 жылдарға арналған өтініші жөніндегі қоғамдық тыңдауларды өткізу туралы хабарлайды. Тыңдаулар 2026 жылғы 10 шілдеде сағат 11:00-де өтеді.
Қоғамдық тыңдаулар Астана қ., Тәуелсіздік даңғылы, 59 үй, «KEGOC» АҚ әкімшілік ғимараты, конференц-зал, бірінші қабат мекенжайы бойынша өткізіледі.
Сонымен қатар, мүдделі тараптардың қатысуын қамтамасыз ету үшін қоғамдық тыңдаулар Комитеттің Facebook әлеуметтік желісіндегі ресми бетінде онлайн көрсетіледі.
Қоғамдық тыңдауларға ҚР Парламентінің депутаттары, мәслихаттар, жергілікті өзін-өзі басқару органдарының өкілдері, мемлекеттік органдар, табиғи монополия субъектілері, бұқаралық ақпарат құралдары, қоғамдық бірлестіктер, тәуелсіз сарапшылар, тұтынушылар және басқа да мүдделі тұлғалар шақырылады. «KEGOC» АҚ өтініші Комитеттің сайтында қолжетімді.
Комитет пен «KEGOC» АҚ байланыс телефондары және интернет-ресурстары: тел.: +7 (7172) 74-25-13, +7 (7172) 690-410.
Фото: gov.kz