Жетісуда биыл 4 600 отбасы жаңа баспанаға ие болады. Өткен жылы Жетісуда 3284 отбасы жаңа үйлерге қол жеткізсе, биыл 4600 отбасы, соның ішінде Ақсу ауданының тұрғындары қоныс тойын тойлайтын болады. Бұл туралы облыс әкімі Бейбіт Исабаев Ақсу ауданының тұрғындарымен кездесуде мәлімдеді, деп хабарлайды Жетісу облысы әкімдігінің баспасөз қызметі.

Аймақ басшысының айтуынша, өткен жылдың мамыр айынан бастап "Отбасы банкке" тұрғын үй ұсыну функциялары берілгеннен кейін, Ақсу ауданында өткен жылы аяқталған 116 пәтер мен үй табысталды:

• Кезекте тұрған азаматтарға көпқабатты үйдегі 60 пәтер және 56 жеке үйдің кілті тапсырылды. Биыл ауданда Жансүгіров және Қапал ауылдарында 40 жеке үй салынып, жыл соңына дейін пайдалануға берілетін болады, - деп атап өтті Б. Исабаев.

Соңғы 3 жылда Ақсу ауданында 297 отбасыға қолжетімді тұрғын үй берілді. Әсіресе Жансүгіров, Қапал, Есеболатов, Алтынарық және Сақабүйен ауылдарында көп үй табысталды.

Жансүгіров ауылының тұрғыны, биылғы қоныс тойын тойлаған Гүлнара Сабырбаева өз пікірін бөлісті:

• Биыл өз пәтеріме ие болдым — жарық, кең және сапалы. Бұл менің отбасым үшін үлкен қуаныш. Барлығына осындай қуаныш тілеймін, әсіресе жас отбасыларға, - деді ол.

деп хабарлайды ТҮКШ24 Жетісу облысының энергетика және тұрғын үй-коммуналдық шаруашылық басқармасының сайтына сілтеме жасап.

Фото: gov.kz

Әлеуметтік осал топтар қолжетімді жалдамалы тұрғын үймен қамтамасыз етілуде.

Мемлекет басшысының тапсырмасына сәйкес, әлеуметтік осал топтарды қолжетімді жалдамалы тұрғын үймен қамтамасыз ету жұмыстары жүргізілуде.

Тұрғын үй жалдауы бойынша төлемдерінің қаржылық операторы ретінде "Отбасы банк" АҚ, тұрғын үй құрылысы жинақ банкі тағайындалған.

2026 жылға облыстық бюджеттен жеке тұрғын үйді жалдауды субсидиялауға 161854,5 мың теңге бөлініп, "Отбасы банк" ай сайын 900-ден астам азаматқа төлем жүргізуде.

деп хабарлайды ЖКХ24 Қызылорда облысы энергетика және тұрғын үй-коммуналдық шаруашылық басқармасының сайтына сілтеме жасап.

Фото: gov.kz