Шымкентте 30 отбасы жаңа пәтерлердің иесі атанды. Пәтерлердің кілтін табыстау рәсіміне Шымкент қаласының әкімі Ғабит Сыздықбеков қатысты.

Көппәтерлі үйлер Бозарық, Ақжайық және Асар-2 шағын аудандарында орналасқан. Пәтерлер «Отбасы банк» АҚ-ның «2-10-20» және «5-10-20» жеңілдікті тұрғын үй бағдарламаларына қатысқан, төлем қабілеттілігін растаған және бағдарламалардың талаптарына сәйкес келетін азаматтарға берілді.

Жаңадан қоныстанушылар қатарында көпбалалы отбасылар, мүмкіндігі шектеулі жандар, толық емес отбасылардың өкілдері, сондай-ақ бюджет ұйымдарының қызметкерлері бар.

Жеңілдікті бағдарламалар қала тұрғындарына қолайлы шарттармен тұрғын үй сатып алуға мүмкіндік береді. Көп жылдар бойы тұрғын үй мәселесін шешуді көздеген отбасылар үшін жеке пәтерге қол жеткізу мүмкіндік туғызды.

Айта кетейік, Бозарық шағын ауданындағы жаңа үйлер шағын ауданның заманауи тұрғын үй құрылысын қалыптастырушылар қатарына кіреді. Шағын аудан дамыған сайын мұнда тұрғындардың күнделікті өміріне қажетті жағдайлар жасалуда.

Шымкентте қолжетімді тұрғын үйге сұраныс жоғары болып отыр. Осыған байланысты қалалық әкімдік тұрғын үй құрылысын ұлғайтып, пәтерлерді жеңілдікті бағдарламалар арқылы сатып алу мүмкіндіктерін кеңейтуде.

Жаңалықты ЖКХ24 Шымкент қаласы әкімінің баспасөз қызметі сайтына сілтеме жасап хабарлайды.

Фото: gov.kz

Алматыда 2026–2027 жылдардағы жылыту маусымы 9 қазанда басталады. Жылу беру кезең-кезеңімен жүзеге асады: алдымен әлеуметтік маңызды нысандар қосылады, одан кейін көпқабатты тұрғын үйлер мен басқа ғимараттар. Бұл туралы Алматы қаласының коммуналдық инфрақұрылым және тұрғын үй инспекциясы басқармасы мәлімдеді.

Жылыту маусымын іске қосу кезінде қаладағы сегіз ауданның әрқайсында тұрғындарға жылуды қосу және туындайтын ақаулықтар бойынша жүгінуге болатын жауапты мамандар анықталды.

Аудандар бойынша байланыс телефондары:

• Алатау ауданы — +7 701 822 57 89;
• Алмалы ауданы — +7 778 200 21 21;
• Әуезов ауданы — +7 705 555 90 92;
• Бостандық ауданы — +7 701 232 04 85;
• Жетісу ауданы — +7 700 815 10 90;
• Медеу ауданы — +7 777 387 37 99;
• Наурызбай ауданы — +7 707 199 90 09;
• Түрксіб ауданы — +7 707 322 50 04.

Сонымен қатар, қалада тәулік бойы жұмыс істейтін жедел жауап штабы болады. Жылудың болмауы, ағып кету және басқа да ақаулар болған жағдайда Jedel Almaty-ға 109 нөмірі бойынша, Біріңғай диспетчерлік орталыққа 225-14-31 нөміріне, Коммуналдық инфрақұрылым және тұрғын үй инспекциясы басқармасына +7 747 132 23 52 және +7 707 018 08 46 нөмірлеріне, сондай-ақ Open Almaty-ға 1308 және 8 (727) 338-33-88 нөмірлері арқылы хабарласуға болады.

Алғашқы күндері мамандар жүйелерді қосу және жылу жүйесін реттеу жұмыстарын жүргізеді, сол себепті уақытша үзілуі мүмкін. Тұрғындарға радиаторлар, крандар және вентильдердің жұмысын тексеріп, жылу жүйесіне өз бетінше араласпауын және тұрба мен жылу құрылғыларына еркін қолжетімділікті қамтамасыз етуді ұсынады.

Сондай-ақ, өтініштерді көпқабатты үйге қызмет көрсететін ұйымдар арқылы, басқарманың әлеуметтік желілердегі ресми беттері мен e-Otinish платформасы арқылы жіберуге болады.

деп хабарлайды Тұрғын үй-коммуналдық шаруашылық 24 Алматы қаласының әкімдігі сайтына сілтеме жасап.

Фото: gov.kz