Қызылорда облысында бірыңғай төлем құжаты енгізілді

Қызылорда облысында коммуналдық қызметтерді төлеу тәртібі өзгерді. Енді тұрғындар электр энергиясы, жылу, су, кәріз жүйесі және қатты тұрмыстық қалдықтарды шығару қызметтерін бір құжатпен төлейтін болады. Облыста бірыңғай төлем құжаты 2026 жылдың қаңтар айынан бастап енгізілді.

Қазіргі уақытта облыс тұрғындарының 80%-дан астамы коммуналдық қызметтерді бірыңғай электрондық төлем құжаты арқылы төлеуде. Бұл туралы ақпарат аймағында Өңірлік байланыс қызметінің мамандары хабарлады.

2024 жылға қарай Қазақстан қалалары мен аудандарында Бірыңғай есеп айырысу орталықтарын ұйымдастыру тапсырмасы ҚР Премьер-Министрінің орынбасары Қанат Бозымбаевтың нұсқауына сай қойылды. 2025 жылы коммуналдық қызметтер саласындағы типтік ережелер қабылданып, бірыңғай төлем құжатының операторының функциялары бекітілді.

Осы жұмыстың аясында коммуналдық қызметтер көрсететін кәсіпорындар мемлекеттік сатып алу рәсімдерін өткізіп, оның нәтижесінде жеңімпаз «АЛСЕКО» АҚ атанды.

Бірінші кезеңде тұрғындарға қағаз квитанциялар берілді. Электронды форматқа көшу біртіндеп жүзеге асырылды. Халықтың жаңа жүйеге үйренуіне байланысты қағаз төлем құжаттарының жеткізілу мерзімі ұзартылды. Бастапқыда үш айға жоспарланған жұмыс маусымға дейін жалғасты.

Мамандардың айтуынша, халық арасында бірыңғай төлем құжатына қатысты түсінбеушілік бар. Соның бірі төлем сомасының қалай және кіммен анықталатынына байланысты.

«АЛСЕКО» АҚ коммуналдық қызметтерге тарифтер белгілемейді және төлем сомасын өздігімен есептемейді. Әр қызмет бойынша есепті осы қызметті көрсететін коммуналдық кәсіпорын жүргізеді.

«АЛСЕКО»-ның міндеті – кәсіпорындардан келген есептерді бірыңғай жүйеге біріктіріп, халыққа бірыңғай төлем құжаты ретінде ұсыну. Егер тұрғын квитанцияда суды, жылуды немесе электр энергиясын есептеуіне қатысты күмәнданса, алдымен сол қызметтерді көрсететін мекемеге жүгінуі қажет, - деді облыстық энергетика және тұрғын үй-коммуналдық шаруашылық басқармасының басшысы Медет Усаин.

Коммуналдық қызметтерге төлем сомасы бойынша келіспеушіліктер туындаған жағдайда тұрғындарға есептегіштердің нақты көрсеткіштерін тексеріп, қызмет жеткізушімен мәселені нақтылауға ұсыныс жасалады.

Тұтынушыларға «Smart ТКШ» мобильді және веб-қосымшасы тегін ұсынылады. Қосымша арқылы бірыңғай төлем құжатын, төлем тарихын және коммуналдық қызметтерді жеткізуші компаниялардың байланыс деректерін көруге болады.

Бір ай ішінде төлем құжаттарын жаңартып, коммуналдық қызметтер бойынша тікелей төлемдерді бірыңғай төлем құжатына кезең-кезеңімен ауыстырып, тұтынушылардың мекенжайлық деректерін біріздендіру қажет. Осы мәселелер бойынша біз барлық қызмет жеткізушілермен бірлесіп жұмыс істеп жатырмыз. Біздің негізгі мақсатымыз – тұтынушыға барлық коммуналдық қызметтерді бір құжатта алып, төлеу мүмкіндігін беру, яғни әр қызмет бойынша бірнеше жерде бөлек есеп жүргізбей. Бірыңғай төлем құжатының басты міндеті – төлем үдерісін халық үшін барынша түсінікті, ыңғайлы және ашық ету, - деді «АЛСЕКО» АҚ коммерциялық директоры Алексей Бозжанов.

деп хабарлайды ТКШ24 Қызылорда облысы энергетика және тұрғын үй-коммуналдық шаруашылық басқармасының сайтына сілтеме жасап.

Фото: gov.kz