Астанада көлік жүргізушілеріне жол ережелерін сақтау маңыздылығын еске салды

Астанада "Заң және тәртіп" бастамасы аясында қатты тұрмыстық қалдықтарды жинау және тасымалдаумен айналысатын компаниялардың жүргізушілерімен түсіндіру кездесулері ұйымдастырылды. Іс-шараға қалалық Полиция департаменті мен елорда Қоршаған орта және табиғатты пайдалану басқармасы қатысты.

Ақпараттық-түсіндіру науқанының мақсаты – арнайы көлік жүргізушілеріне жол жүру ережелерін сақтау және жол-көлік оқиғаларын болдырмау маңыздылығын атап көрсету.

"Акция барысында біз қоқыс шығарумен айналысатын үш қалалық компанияға бардық. Біздің мақсат – барлық жүргізушілерді қамту болғандықтан, кездесулер өтпелі уақытта өтті: біріншісі таңғы бес, екіншісі түсте, үшіншісі он жеті сағатта өтті", — деді Қоршаған орта және табиғатты пайдалану басқармасының қалдықтарды басқару бөлімінің басшысы Жанар Садвақасова.

Кездесулерде жүргізушілерге Қазақстан Республикасының жол жүру ережелерінің талаптары туралы еске салып, қалада бұрын орын алған жол-көлік оқиғаларының мән-жайлары мен оларды болдырмау шаралары талқыланды.

Арнайы көлік жүргізушілерін рейс алдында тексеру және қоқыс тасығыштардың техникалық жағдайы үнемі бақыланады.

«Қоқыс тасығыштар тұрғын үйлердің ауласына кіретіндіктен, жүргізушілердің жылдамдықты азайтып, маневр жасау кезінде аса сақ болуы талап етіледі. Жол жүру ережелерін қатаң сақтау және барынша қырағылық көрсету қажет. Кездесулер барысында балалар қауіпсіздігіне және мектептер мен балабақшалар маңында арнайы техникалардың қозғалысына ерекше назар аударылды», — деп хабарлады Астана Полиция департаментінің әкімшілік полиция басқармасынан капитан Асет Аятхан.

деп хабарлады ЖКХ24 Астана қаласы әкімдігінің сайтына сілтеме жасап.

Фото: gov.kz