Астанада «Таза Қазақстан» экологиялық айлығы басталды

Астанада 12 қыркүйекте республикалық «Таза Қазақстан» экологиялық айлығы басталды. Қаланың барлық аудандарында санитарлық тазалау және абаттандыру бойынша ауқымды жұмыстар басталды, деп хабарлайды қалалық әкімдіктің ресми сайты.

Акцияға 30 мыңнан астам адам және 2,2 мыңнан астам кәсіпорын мен ұйым қатысуда. Тазалау жұмыстарына 700-ден астам арнайы техника тартылды. Ауқымды тазалау барысында 1,2 мыңнан астам аула аумақтары тазартылып, шамамен 300 тонна қоқыс шығарылды.

«Таза Қазақстан» экологиялық айлығы 12 қыркүйектен 10 қазанға дейін жалғасады. Осы ай ішінде Астанада санитарлық тазалау, абаттандыру және саябақтар, аллеялар, аулалық және қоғамдық орындарды, сондай-ақ кәсіпорындар мен ұйымдардың айналасын көгалдандыру жұмыстары жоспарланған.

19 қыркүйекте елордада Дүниежүзілік тазалау күні — World Cleanup Day 2026-ға орай қалалық экологиялық акция өтеді.

Экологиялық айлықтың негізгі мақсаты — елорда тұрғындарын, кәсіпорындар мен ұйымдарды қала тазалығын сақтау, қаланың тұрмыстық ортасын жақсарту және экологиялық мәдениетті қалыптастыру үшін біріктіру.

Фото: gov.kz