Астанадағы индустриялық паркте «Таза Қазақстан» акциясы аясында кәсіпорын қызметкерлері жасылдандыру жұмыстарын жүргізді

Астанада «Таза Қазақстан» экологиялық акциясы шеңберінде қаланы жасылдандыру жұмыстары жалғасуда. Кезекті шара индустриялық парк №1 аумағында өтті, оған астаналық кәсіпорындардың қызметкерлері қатысты. Іс-шара барысында аумақты абаттандыру жұмыстары жүргізіліп, 65 ағаш отырғызылды деп хабарлайды елорда әкімдігінің ресми сайты.

Экологиялық бастамада «KZ-ПРЕСТИЖ», «Танжер-1», «PolyTech Astana» және «ЛС Групп» кәсіпорындарының ұжымдары да қатысты. Қызметкерлер өнеркәсіптік аймақта бірге жасылдандыру жұмыстарын жүргізіп, қоршаған ортаны жақсартуға өз үлестерін қосты.

Кәсіпорындардың мұндай экологиялық бастамаларға қатысуы өнеркәсіптік аймақтардың жасылдандырылуы мен абаттандырылуына, бизнестің қоршаған ортаға жауапкершілігін арттыруға және елордада жайлы қала ортасын қалыптастыруға ықпал етеді.

деп хабарлайды ТКШ24 Астана қаласы энергетика және тұрғын үй-коммуналдық шаруашылық басқармасының сайтына сілтеме жасап.

Фото: gov.kz