Астанада «Халық юрисі» акциясы аясында тегін құқықтық көмек көрсетілді

«Заң және тәртіп» акциясы аясында «Хан Шатыр» сауда-ойын-сауық орталығында өткізілген «Халық юрисі» мен «Құқықтық аптека» шараларында елорда тұрғындары мен қонақтары өзекті мәселелер бойынша тегін білікті заңгерлік кеңес алу мүмкіндігіне ие болды.

Акция барысында азаматтарды қабылдау жұмыстарын мемлекеттік органдардың өкілдері, заңгерлер және адвокаттар жүзеге асырды. Мамандар азаматтарды құқық қорғау, заңнама және құқық қолдану практикасы бойынша кеңінен ауқымды мәселелер төңірегінде кеңес берді.

Ерекше назарға жедел шешімді қажет ететін мәселелер алынды. Жеке қабылдаулар барысында азаматтарға түрлі құқықтық жағдайларда көмек көрсетілді, мемлекеттік органдарға жүгіну тәртібі түсіндірілді және өз құқықтары мен мүдделерін қорғауға арналған заңнамалық механизмдер туралы ақпарат берілді.

«Іс-шараға шамамен 20 ұйым қатысуда. Халықтың құқықтық сауаттылығын арттыру мақсатында Нұра ауданының әкімдігі аумақтық құқық қорғау органдарымен бірлесе тұрғын үй кешендерінің тұрғындарымен шаралар өткізіп келеді, сонымен қатар біз сауда-ойын-сауық орталықтарында, колледждерде, мектептерде және қоғамдық орындарда кездесулер ұйымдастырамыз. Заң және тәртіп - бұл тек әкімшілік немесе қылмыстық жауапкершілік қана емес, бұл сондай-ақ тұрғындар мен қонақтардың заңға, сондай-ақ қоғамдық орындарда этикалық нормаларды сақтауы тиіс азаматтық позициясы», - деп мәлімдеді Нұра ауданы әкімінің орынбасары Әлия Әбсеметова.

Қолжетімді заңгерлік кеңес азаматтарға өз құқықтары мен міндеттерін жақсы түсінуге, сондай-ақ оларды қорғауға қатысты уақытылы шаралар қабылдауға көмектеседі.

«Мен үшін бұл шара өте ыңғайлы болды. Мұнда келгенде, көптен бері мазалап жүрген сұрағыма жауап аламын деп ойламадым», - деді қала тұрғыны Айгүл Гүлкәева пікірін білдіріп.

«Халық юрисі» және «Құқықтық аптека» акциялары азаматтар, мемлекеттік органдар өкілдері және заң қауымдастығы арасында тікелей диалог алаңына айналды.

деп хабарлайды Энергетика және тұрғын үй-коммуналдық шаруашылық басқармасының Астана қаласындағы сайтына сілтеме жасаған ТКШ24.

Фото: gov.kz