Астанада кәсіпкерлер «Таза Қазақстан» акциясына белсенді қатысуда

Астанада «Таза Қазақстан» экологиялық акциясы аясында жергілікті кәсіпкерлердің қатысуымен көріктендіру және көгалдандыру жұмыстары өткізілді. Бұл жолы кәсіпкер өз нысанының маңына ағаш көшеттерін отырғызып, қаланың көгалдандырылуына өз үлесін қосты, деп хабарлайды Астана қаласы әкімдігінің ресми сайты.

Іс-шара «Женіс» көшесіндегі грузин мейрамханасының ауданында өтті. Кәсіпкер Исадин Азаматов өз мейрамханасы орналасқан аумаққа жауапкершілікпен қарайтынын, ағаштар отырғызатынын айтты.

Акция барысында кәсіпкерге маңындағы аумаққа күтім жасаудың маусымдық ескертпесі тапсырылды. Құжат аумақты уақтылы тазалау, жасыл желектерге күтім жасау, сондай-ақ тазалық пен тәртіпті сақтау жөнінде негізгі ұсыныстарды қамтиды.

Кәсіпкер «Таза Қазақстан» бастамасын қолдап, басқа бизнес-сектор өкілдерін де елорданың көркейуіне үлес қосуға шақырды.

«Бүгін «Таза Қазақстан» акциясы аясында мейрамханамыздың маңын көркейтіп, ағаш көшеттерін отырғыздық. Қалалық әкімдіктен бізге маңындағы аумақтың тазалығы мен тәртібін сақтауға қатысты ұсыныстар берілді. Біз бұл бастаманы қолдаймыз және барлық кәсіпкерлерді қаламыздың тазалығы мен көркейтуіне бірге үлес қосуға шақырамыз», — деді Исадин Азаматов.

Астана қаласының кәсіпкерлікті дамыту бөлімінің басшысы Шухрат Жораевтың айтуынша, кәсіпкерлердің белсенді қатысуы қаланың келбетін жақсартуда маңызды рөл атқарады.

«Бүгінгі таңда кәсіпкерлер тек бизнесін дамытып қана қоймай, қаланы көркейтуге де белсенді қатысуы тиіс. Күзгі ағаш отырғызу маусымы енді ғана басталды. Сондықтан «Таза Қазақстан» акциясы аясындағы маңындағы аумақтарды көгалдандыру жұмыстары және кәсіпкерлерді экологиялық бастамаларға тарту жалғаса береді», — деді Шухрат Жораев.

Мұндай бастамалар бизнесмендердің қалалық орта үшін жауапкершілігін арттырып, Астананы таза, жасыл және ыңғайлы қала ретінде дамытуға үлес қосады.

деп хабарлайды ЖКХ24 Астана қаласы әкімдігінің сайтына сілтеме жасап.

Фото: gov.kz