Алматыда Абылай хан даңғылының бөлігінде қозғалыс уақытша шектеледі
Алматыда 8-9 қыркүйек күндері Абылай хан даңғылының бөлігінде қозғалыс уақытша шектеледі.
Алматы қаласында 8-9 қыркүйек күндері сағат 22:00-ден 06:00-ге дейін Абылай хан даңғылының бөлігінде ЛРТ жобасын іске асыру аясында уақытша қозғалыс шектеулері енгізіледі.
Қозғалыс Райымбек даңғылынан бастап Мәметова көшесіне дейінгі бөлікте тоқтатылады. Жөндеу жүргізілетін аумақта ескерту белгілері орнатылады. Маршрутты алдын ала жоспарлау ұсынылады.
Қозғалыс шектеулері туралы барлық ақпарат Telegram-арнасындағы @AlmatyJoly, әкімдіктің әлеуметтік желілерінде, сондай-ақ 2GIS және «Яндекс карталар» қызметтерінде орналастырылғанын хабарлайды ТҮКШ24 Алматы қаласы әкімдігі сайтына сілтеме жасап.
