Алматыда «Қазақфильм» ықшам ауданында демалыс күндерінің жаңартылған жәрмеңкесі ашылады

Алматылықтарды 20 қыркүйекте Бостандық ауданының «Қазақфильм» ықшам ауданында ашылатын жаңартылған демалыс күндерінің жәрмеңкесіне шақырады.

Модернизация аясында жәрмеңке аумағы жаңғыртылып, абаттандырылды. Жалпы аумағы 49 сотықты құрайды. Мұнда 112 сауда орны қарастырылған: 100 - ашық павильонда, 7 - жабық павильонда және 5 - фудкорт аймағында.

Жаңартылған жәрмеңке заманауи форматта жұмыс істеп, сатып алушылар, фермерлер және отандық тауар өндірушілер үшін жайлы жағдай жасайды. Ашық алаңда демалыс күндерінің жәрмеңкелері ауыл шаруашылық тауар өндірушілерінің қатысуымен өтетін болса, жабық бөлімінде отандық өндірушілер өз өнімдерін тұрақты негізде сата алады.

Модернизация жеке инвестициялар тарту арқылы әлеуметтік бағыттылығын сақтап отыр. Қолданыстағы сауда орындары жәрмеңкеге қатысушылар үшін сақталады.

Ашылғаннан кейін коммуналдық нарықты басқару мен ұсынылған бағаларды бақылауды «Алматы» ӘКК АҚ жүзеге асырады.

Демалыс күндерінің жәрмеңкелерін өткізу қал тұрғындарын сапалы азық-түлікпен қолжетімді бағамен қамтамасыз етудің маңызды құралдарының бірі болып табылады. Фермерлер мен отандық ауыл шаруашылық тауар өндірушілерінің тікелей қатысуымен өнім делдалсыз сатылады.

Жыл басынан Алматы қаласында 300-ге жуық демалыс күндерінің жәрмеңкесі өткізілді. Онда Алматы және Алматы облысының фермерлік және жекеменшік шаруашылықтарынан 1 000-нан астам түрлі тауар ұсынылды. Ауқымда - жаңа ет, жұмыртқа, көкөністер мен жемістер, ашытылған сүт өнімдері, шұжықтар, бал және басқа да тауарлар бар.

Жәрмеңкелерді аптасына шамамен 50 000 адам тамашалайды.

Жаңалықты Алматы қаласы әкімдігінің ресми сайтына сілтеме жасай отырып, ТҮКШ24 хабарлады.

Фото: gov.kz