Алматыда «Ең үздік жасыл мектеп» қалалық байқауының қатысушылары анықталды

Алматыда қала күніне орай ұйымдастырылған «Ең үздік жасыл мектеп» қалалық байқауының аудандық кезеңі аяқталды. Келесі кезеңге 16 мектеп - әр ауданнан екі мектептен өтті, деп хабарлайды Алматы қаласының білім басқармасы.

Аудандық іріктеу 28 тамыздан 5 қыркүйекке дейін өтті. Мектептер байқау портфолиоларын, бейнематериалдарды және экологиялық жобаларды, сондай-ақ өздерінің аумақтарын көркейту және көгалдандыру бойынша жұмыстардың нәтижелерін ұсынды.

Байқаудың негізгі бағыттарының бірі «Таза Қазақстан» жалпыұлттық бастамасының қағидаларын іске асыру болды. Қатысушылар мектепте қалдықтарды бөлек жинау, ресурстарды үнемдеу, эко-хабтар мен жылыжайлардың жұмысын ұйымдастыру, экологиялық еріктілер қызметі және оқушыларға арналған практикалық сабақтар қалай ұйымдастырылғанын көрсетті.

Ерекше көңіл оқушыларды, мұғалімдер мен ата-аналарды қатыстыруға бөлінді. Қатысушылар дайындық барысында жасыл аймақтар мен гүлзарларды ретке келтіріп, қалдықтарды бөлек жинау алаңдарын дамытып, өздерінің экологиялық бастамаларын ұсынды.

8 қыркүйектен бастап қалалық байқау кезеңі басталып, ол 16 қыркүйекке дейін жалғасады. Мектептердің жұмысын ұсынылған материалдар, эко-хабтардың қызметі, экологиялық және тәрбиелік жобалар, сондай-ақ инновациялық және цифрлық шешімдер бойынша бағалайды.

Үздік тәжірибелерді Алматыдағы басқа оқу орындарында пайдалануға ұсыну жоспарлануда. Бұл байқау балалардың экологиялық әдеттерін қалыптастыру және жас ұрпақты «Таза Қазақстан» қағидаларын іске асыруға практикалық түрде қатыстыру жөніндегі күш-жігеріміздің бір бөлігі болды.

деп хабарлайды ЖКХ24 Алматы қаласының Білім басқармасының сайтына сілтеме жасап.

Фото: gov.kz